2 Corintios 6:16 - NandevaBiblia

¹⁶ Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

2 Corintios 6:16 ပူးပေါင်းရင်းမြစ်များ

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 6:24

Mbavẽãpo ijokuekashu mõkue ija pyrokue'ia. Mỹmorããpo penteva, tẽvã ĩrũpo haihuve; maĩrã japoveposhu penteva heishuva, tẽvã ĩrũpo mymorãã. Hãrã katuããpo Tũpa jairojatẽheva, jahaihujy kyrypoti.

Lucas 5:36

Jesús heijyshu reta kova ñee ñymyhã'ãnga: Mba'ety chĩchiva pente mondeava py'ahuva pyseve mbojahe verã mondeava tujava. Kyrã japorã myporãã mondeava py'ahuva; hareka py'ahuva porãã'ẽẽjy tuja vekuare.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 6:56

Shyroo houva, hareka mbusururuva shuruvy ẽẽ shendie, hãrã she ãĩjyve hãndi.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

Romano 8:9

Tẽvã pee pikoveama pyndyrete potavape, koñeĩ Espiritu potavaima, ĩmepyre Espiritu Tũpa ryhevarã, tẽvã ĩme'ẽ mba'etyreva Espiritu Cristo ryhevarã, ha'eã hai ña'ãpova.

Romano 9:26

Haipe he'iashua retape: Pee ha'ẽã shyrẽta ĩrũre, he'iaposhu retakui Tũpa hykove'ia tayre”.

1 Corintios 10:21

Katuã rãnga peu Jesucristo jykopaivi hareka mbaiposhyre jykopaivi hãndi; katuã rãnga pykaru Ñandeja ñymesape hareka jyve ãñare ñymesape.

1 Corintios 6:19

Pikuããra pyndyrete haiva Espiritu Santo hoo, hai ẽẽ pyndypy, Tũpa meẽpeva? Hãrã pyndyrete haiveãma pa'ãpova.

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

Efesios 2:22

Hãrã pee Cristo rupii hai jyvepe tũpao ryheva, Tũpa ikovape Espiritu rupii.

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

1 Timoteo 3:15

kova kuatiape, sapyareii yrẽ'ãã aharã, rikuaa verã marãrapo ryraha Tũpa jy'tupao, hokava rãnga hai Tũpa hykoveva tũpao, jytasohea hareka mbai añeteva mirãta'õ.

2 Timoteo 1:14

Espiritu Santo iko ñanendieva rupii, ñyngareko kavihe pyrymbo'ehaheva haikaviva nimingarekohakahe vekua.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Hebreos 8:10

Hokava ara hasamarã, kova ñee me'ẽãva ajapo hãndi verã Israelvare, kyrãpokui, hei Teja: Shiñee mbyparahava ãñonopokui ñakapy hareka ambyparapokui pya retape. She ãĩposhukui ñu Tũparã hareka hai retapokui shyrẽta ĩrũre.

Santiago 4:5

Pyrojããra Mbyparahavape heiva? “Tũpa haihu Espiritu ñandypyape ñonova”.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Juan 4:12

Mba'etyiteimba Tũpa heshava, tẽvã ñande jaijyhaihurã Tũpateipo iko ñandypyape, hareka hai jyhaihukue jykuaakavi ñandyrehe.

1 Juan 4:15

Ĩme'ẽ heiva Jesucristo haiva Tũpa Tay, ikoma hãndi Tũpa hareka pyapere Tũpa.

Apocalipsis 2:1

Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi:

Apocalipsis 21:3

Ahendu vapyhasepyaivi õhẽ pente hỹnatu heiva: “Kope ĩme'ẽ Tũpa ñytavernáculo kuaretare mbytepe ẽva. Ikopo hãndi reta, hai retapo henta'ĩrũre hareka Tũpateipo ẽẽ hãndi retakui Ñu Tũparã.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.