2 Corintios 5:15 - NandevaBiblia

¹⁵ Cristo rãnga opava retare mano, ĩmeteri'iare ikoveãma verã hai pevarãĩ, koñeĩ ikoma verã manohe vekua hareka kuerajy vekua pevarãĩ.

2 Corintios 5:15 ပူးပေါင်းရင်းမြစ်များ

Lucas 1:74

ñandyrekyshi verã opaite ñandyvaishore, hareka jakyjembape jaha verã hai haykue,

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Juan 6:57

Sheru shymbou vekua ĩmere tykove, hai rupii she aiko; kyrãĩ jyve shyroo houva hykovepo jyve she rupii.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Romano 4:25

Tũpa meẽmba Jesús mano verã mbai porãmba jajapo vekua rehe, hareka mupũ'ãjy ñanymbyhekokavi verã hai hỹnonde.

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Romano 8:10

Tẽvã Cristo ẽẽ pyndypyaperã, ajemaĩ pyndyrete manotẽvã mbai porãmba vekuare, espiritu iko shara Tũpa ñanymbyheko kavima.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

2 Corintios 12:10

Hareka she avy'a shypyrãtamba vekuape, opa mbai he'ihasheape, mbai mba'etysheape, pu'ã shyrehevape hareka opa mbai jyhasa'asy ahasa Cristo rehe. Shara shykangyvape ãñandu shypyrãtave.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

2 Corintios 5:16

Katynga ã'ẽ, katuveãmapo mbyvetehakui yngava retape ore kuareta heshahava rãĩmi, hareka ajema kyrãte kuaaha arykai Cristo, tẽvã kyrãveãmapo kuaaha.

Galatas 5:25

Ã'ẽ jaiko Espiritu rupiirã, javatapo jyve Espiritu rupii.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

Colosenses 2:12

Pee pimyngaraimarã, piñyñoty hãndi Cristo, kyrãijy pykuerajy manovare mbyteivi, shara pyroja Tũpa ñymbaikatukue mynguerajyva Jesús manovare mbyteivi.

Colosenses 3:1

Pee pykuerajy Cristo rupii, hãma pyheka mbai vate araivi ouva, Cristo vapy'õpe Tũpa jakata kyty.

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

Colosenses 3:23

Opa mba'e pijapova, kỹrẽ'ỹpe pijapo, Tũpape pijapova rãĩmi, ha'eã kuaretare pevarã.

1 Tesalonicenses 5:10

Jesucristo rãnga mano ñandyrehe, ñandyrykovepe maĩrã ñamanomarã, jaiko hãndi verã.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

1 Pedro 4:6

Mano vekua retape rãnga mbe'uha jyve Ñee Kaviva, ajemaĩ ẽẽteshu manoñoĩ verã opaiteva kuaretare rãĩmi, ã'ẽ ikopo reta opa ara Tũpa handi jy'espiritupy.

1 Juan 4:9

Tũpa rãnga heshaka ñande jyhaihu, mbou Tay pentereva ko yvype, hai rupii ĩmẽjare verã tykove opambava.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.