2 Corintios 4:7 - NandevaBiblia

⁷ Tẽvã rekoha kova mbai hepyva rãĩmi, pente mbai hyru tujuivi japoa vekuapy, ijyhesha verã mbaikatukue ojaimbava haiva Tũpa ña'ãpova, haimba ore yrã'ãpova.

2 Corintios 4:7 ပူးပေါင်းရင်းမြစ်များ

Mateo 13:44

Huvisha vasu vate arapy'õ ova kyrypoti yvypy ñotyãva. Ou pente vãhẽshu kyrypoti yvypy'õ hareka haipẽĩ ñomijy. Hãma vy'ape oho opa meẽ imerea kyrypotirerã ou ova ko yvy.

Mateo 13:52

Haivi Jesús heishu reta: Hãmeara, opaite Moisés mbypara vekua pyrỹmboi'ihea mbeu, huvisha vasu vate arapy'õ, ova oo ija nohẽva mbai hyruivi py'ahuvare tuja vekuaivi.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

1 Corintios 1:28

Tũpa pyhỹrõ kuareta heshahatamba vekua hareka mbaimba kuaavekuamire ẽvã ko yvy'ĩãrẽ, he'ise mba'ẽrãmba'i vekuamire, kyrãvape mbijiche verã jyroja'ijehevare.

2 Corintios 10:10

Ĩme'ẽ heiva shy kuatiape pohyite hareka mbaretepeite aijetava, tẽvã sheteiva aijetarã shypya vasuã hareka shiñee mba'erãã.

2 Corintios 13:4

Ãñete rãnga hai mbysavavaha kurusure kangyva rãĩmi, tẽvã hai iko Tũpa ñymbaikatukuepy. Ore yrykangyhãĩ jyve handi, tẽvã ñymypenteãherã ĩmeãpo'i Tũpa ñymbaikatukue rupii, haikavipe verã.

2 Corintios 4:1

Hãme rãnga yrỹkyrẽyñoĩ, shara Tũpa jypareko rupii meẽ ore japoha verã,

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

2 Corintios 6:10

Vyamba rãĩmi mba'apoha, tẽvã vy'ahañoĩ; paveteva rãĩmi, tẽvã hetavape mbi'ikoa katu; mbaimba ĩmerekoava rãĩmi, tẽvã opa ĩme rekoha.

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Colosenses 2:12

Pee pimyngaraimarã, piñyñoty hãndi Cristo, kyrãijy pykuerajy manovare mbyteivi, shara pyroja Tũpa ñymbaikatukue mynguerajyva Jesús manovare mbyteivi.

Colosenses 2:3

hai ĩãrẽ ẽẽ opa mbai haikavivare ouva mbaikuaakue hareka ãrãnduivi.

1 Tesalonicenses 1:5

Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

1 Tesalonicenses 4:4

pepenteĩ tĩngarekohe hete, heko kyambape hareka mbyvetevape.

2 Timoteo 2:20

Pente oo tivisha'õ ipe, ha'eã ẽẽva maĩnunga ita verava ijuva hareka ita verava tĩĩva, ĩme'ẽ jyve maĩnunga yvyraivi hareka tujuivi japohava, pentevare hai mbai haikavivapẽĩ poryhava, hareka ĩrũre hai ĩmerãẽva'õpeĩ poryhava.