2 Corintios 4:10 - NandevaBiblia

¹⁰ Rahahañoĩ yryretere Jesús ñymanokue, kyrã Jesús hykovekue ijeshaka verã jyve yryretere.

2 Corintios 4:10 ပူးပေါင်းရင်းမြစ်များ

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Romano 6:5

Hãrã ñande ñañymypente hãndi Jesucristo ñymanope, kyrãpo ñañymypente jyve hãndikui kuerajyvape.

Romano 6:8

Hareka ñamano Cristo hãndirã, jaroja jaikojy hãndi verã.

Romano 8:36

Mbyparahava rãĩmi: “Ndyrehe rãnga urukaha verãĩma ikoha; avisha rãĩmi yryrahaha urukaha verãpe”.

2 Corintios 1:5

Heta jahasa'asyva rãĩmi Cristo jahaihurã, heta jyve vy'a japityva Cristo rupii.

2 Corintios 1:9

Ñanduha irijehe jaheama yryreherã haĩ urukaha verã, tẽvã kova yrỹmboihe potamba orei jyrojaha irijeheva, koñeĩ jyrojahahe verã Tũpa, manovare mynguerajya.

2 Corintios 13:4

Ãñete rãnga hai mbysavavaha kurusure kangyva rãĩmi, tẽvã hai iko Tũpa ñymbaikatukuepy. Ore yrykangyhãĩ jyve handi, tẽvã ñymypenteãherã ĩmeãpo'i Tũpa ñymbaikatukue rupii, haikavipe verã.

2 Corintios 4:11

Ore rãnga ĩmeãteri'irã, opa ara õĩha Jesús rehe manohã verã, kyrã ijyhesha verã jyve Jesús hykove ko yryrete mano verãre.

Galatas 6:17

Ã'ẽvaĩ aipotaveãmapo mbava ñonokui shyraperãpe mbai porãmba, shara ĩme'are mbypereava shyretere, heshakava ahasa'asyva Jesús jokuereasherã.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

2 Timoteo 2:11

Ãñete rãnga hai kova ñee: Ñamano hãndirã, jaikopo hãndikui,

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

Apocalipsis 1:17

Hãrã aheshamarã, a'a yvype ipy hỹnonde manova rãĩmi. Tẽvã hai ipo jakata ñono sheãrẽ, heishe: Avy kyje, she hai õñepyrõhea hareka japyhea.