2 Corintios 3:7 - NandevaBiblia

⁷ Moisés mbypara vekua purukava itare japoava, hĩmbipemba hãrã Israelvare katuãmba maĩhe Moisés hovare, shara hĩmbipeite ajemaĩ opa verãteã.

2 Corintios 3:7 ပူးပေါင်းရင်းမြစ်များ

Hechos 6:15

Hãrã opaite mburuvisha ñymbaty'õpe vapy ovare maĩhe Esteban, hareka hesha reta hova, pente Tũpa jokueva hova rãĩmi.

Romano 10:4

Shara Moisés mbypara vekua opahea hai Cristo, opaite jyrojaheare mbyhekoa kavi verãre.

Romano 4:15

Shara Moisés mbypara vekua veru jahe pyryreheva japomba; tẽvã Moisés mbypara vekua mba'etyrã mba'etymbapo porãmba'õ.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

Romano 7:10

Kyrã jehu Moisés ñeẽ mbyparava japoa verã meẽte she verã tykove, shyraha ñymanope.

Romano 7:22

Shara shypyape mbyhory ñee mbyparahava japoha verã Tũpa ryheva.

Romano 7:5

Shara jaikoteri jajapo porãmba ñandyrete potavarã, ñee mbyparahava mbysareko mbai potakue, hokava mbyheta maĩnunga porãmba japokava ñymano.

1 Corintios 13:10

Tẽvã vãhẽma ou ara hekope kavi'õrã, ã'ãmo hekope kavimba'õ opapokui.

2 Corintios 3:3

Ijyhesha kavi rãnga pee haiva Cristo jykuatia, ore japoha vekua, haimba tintape mbyparahava, Tũpa hykove'ia jy Espiritupy japohava rãnga, ha'ẽã itare mbyparahava, koñeĩ kuaretare pyape.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

2 Corintios 3:8

Kyrãmba aryka'e hokava, hãmera Espiritu ryheva japoava hĩmbipeveãrapo hai?

Galatas 3:10

Opaite jyrojaheva Moisés mbypara vekuare, jaheapohekui. Shara Tũpa ĩñeepe hei: “Jaheapohe japombava hekope kavi opaite ẽvã Moisés mbypara vekuapy”.

Galatas 3:21

Kovara he'ise mbyparaha vekua ñymbyvaishoheva Tũpa ĩñee meẽ vekua? Mba'ety! Moisés mbypara vekua meẽ tykoverã, ãñete haivimbapo ou ñymbyheko kavikue.

Hebreos 12:18

Pee piñymbojããhe hokava yvyturusu katutẽ pokohaheva hareka ẽẽheva tata hendy'õva, timimbiva hareka yvytu vasukue,

Hebreos 3:3

Tẽvã Jesús omomba'ehavembashi Moisés, pente oo japo'ia rãĩmi mbyvetehaveshi oo japo vekuaivi.

Hebreos 9:4

Haipe'ẽ altar ita verava ijuva hapyapy verã yvyra pishekatuva, ñee me'ẽãva hyru ita vera ijuvatei jerekue ñonoahe, haipy'ẽ kambushi mishiĩva mana ẽpya, Aarón jy'yvyra hokyjy vekua hareka mokue ita ipevare mbyparahahea opañandepo ñee japoa verã.