6 Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.
Haivi Jesús heishu reta: Hãmeara, opaite Moisés mbypara vekua pyrỹmboi'ihea mbeu, huvisha vasu vate arapy'õ, ova oo ija nohẽva mbai hyruivi py'ahuvare tuja vekuaivi.
Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.
Heijyshu reta: Kova hai shuruvy ñee me'ẽã py'ahuva ryheva, turuvy ñohẽa verã opava reta rehe.
Kyrãĩ japojy opa karurã, heky vaso vino ẽpyarã hei: Ko vaso hai ñee me'ẽã py'ahuva shuruvype, ñohẽhã pyndyrehe verã.
Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.
Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.
Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.
Shara ñee mbyparahava japoa verã rupii mba'ety ñymbyheko kavi verã Tũpa hỹnonde, shara ñee mbyparahava japoa verã rupii ñanymbykuahaka mbai porãmbape ñaĩme ñaĩrã.
Shara Moisés mbypara vekua veru jahe pyryreheva japomba; tẽvã Moisés mbypara vekua mba'etyrã mba'etymbapo porãmba'õ.
Mbyparahava hei: Arĩñono tentare hetava tuurã, hokava he'ise Abraham haiva ñanderu, Tũpa hỹnonde, kova haimba Tũpa Abraham rojava, Tũpa meẽshuva tykove mano vekuare, hareka japova maĩnunga ikombaterivare.
Tẽvã ã'ẽ manoma mbyparava japoa verã ñymbai katukue'ipe ñandyreva, mbaiveama ñandocha jaijokueka verã Tũpape, tykove py'ahuvape Espiritu Santo ñymbaikatupy, haiveama arykaiva Moisés mbypara vekua tuja vekuapy.
Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.
Kyrãĩjy opama karu retarã heky koparã hei: “Kova kopa hai ñee me'ẽãva py'ahuva ryheva shuruvype, peumarã, pijapo pynymandua shyreherã”.
Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.
Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.
Tũpa pya kavirã shypyhyrõ ãñono verã oo jypyrã. Hãma ĩme'ẽ oo mupũãheva, tẽvã pepenteĩpo ñyngarekokavihe marãra mupũã,
Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.
Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.
Tẽvã kuããmba reta mbaivara he'ise, shara ã'ẽpeve haire mbijeta tynonde ñee me'ẽãva'ẽpyarã, hokava jochashi reta kuaa verã, shara hokava tyrova mbykaso'iapya Cristo rupii katu hekyha.
Ijyhesha kavi rãnga pee haiva Cristo jykuatia, ore japoha vekua, haimba tintape mbyparahava, Tũpa hykove'ia jy Espiritupy japohava rãnga, ha'ẽã itare mbyparahava, koñeĩ kuaretare pyape.
Moisés mbypara vekua purukava itare japoava, hĩmbipemba hãrã Israelvare katuãmba maĩhe Moisés hovare, shara hĩmbipeite ajemaĩ opa verãteã.
Shara Moisés mbypara vekua ñandukava hĩmbipemba aryka'e, hãrã hĩmbipeitevepo hai kova, meẽ ñande ñimbivacheva ryheva.
Kovara he'ise mbyparaha vekua ñymbyvaishoheva Tũpa ĩñee meẽ vekua? Mba'ety! Moisés mbypara vekua meẽ tykoverã, ãñete haivimbapo ou ñymbyheko kavikue.
Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,
ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.
She, Pablo, Tũpa japo shyhevi shokuerã ambeu verã ĩñee kavi jyhaihukue hareka ñymbaikatu rupii.
Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.
Tũpa shiñono ambeu verã kova ñee, hareka shymondo apostolrã hareka Judiombare mboire verã.
Jesure jyve, mbivache kaviva ñee me'ẽã py'ahuva hareka turuvyre kytyhaheva, hokava ijeta kavivehe Abel huvykue.
Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.
Hãme rãnga Jesús my'añete ñande ñee me'ẽãva haikaviveva tynonde vekuaivi.
Tũpa ijeta py'ahujyhe ñee me'ẽãvãrã he'ise tynonde ñee me'ẽã vekua tujama, hareka tujamarã opaserima kañy.
Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.
Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.