2 Corintios 2:17 - NandevaBiblia

¹⁷ Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

2 Corintios 2:17 ပူးပေါင်းရင်းမြစ်များ

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Hechos 20:20

Tẽvã apoiã ambeupe haikavipe verã, apyrỹmboi opavare hỹnonde hareka pynyrẽta retaipi.

Hechos 20:27

shara opama ambeupe Tũpa potava, mbaimba añomivape.

1 Corintios 5:8

Hãrã ñamby'aretepo Pascua, pãhã mby'ouka mbihi'ahamba rãĩmi, he'ise poshymbape hareka añetevape. Avy ñamby'arete pãhã mby'ouka tuja vekua ryheve, he'iseva poshy hareka ñandykya ryheve.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

2 Corintios 1:18

Tũpa rãnga opa hesha mapeã ore he'iha “ẽẽ” hareka “mba'ety” pente he'iape.

2 Corintios 11:11

Marã'ĩrãra kyrã aijeta? Apyryhaihuarãra'e? Tũpa rãnga kuaa apyryhaihurã.

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

2 Corintios 6:7

ñee añeteva mbe'uha iape, hareka Tũpa ñymbaikatukue ryheve. Ñyrãrõhã verã ñimbivachepe, ohoashu verã, maĩrã, ijochaha ẽvãpe.

Galatas 1:6

Mbyry rãnga amaĩ are'ãĩtemba pimymbyryshi Tũpa, pynyrẽnova heshakape pya kavi Jesucristo rupii, yngava ñee kavi pyroja verã.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

Tito 1:11

Hokava retape katu rĩmichirĩrĩ, shara opa porãã ñono oope'õre, pyrỹmboi jyrehe mbai japuva ryheva mbyhepyapyshu verã kyrypoti hekopemba'õ.

Hebreos 11:27

Jyrojakue rupii Moisés heja yvy Egipto, mburuvisha vasu kyjembashiape, ñymypyrãnta katuhe hesha'ẽva rãĩmi Tũpa Heshahambava.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 2:20

Tẽvã ĩme'are pente mbai shypya'ohombahe ndyheviva: Rỹma'ẽĩhe Jezabel taupe ñimiñee Tũpa heepe, mbytavy shyryhevare, mboishu reta ikoĩ hãndi verãre taupe omendambape hareka hou verã ho'uavare me'ẽãva ta'angape.