2 Corintios 13:7 - NandevaBiblia

⁷ Ore jururehashu Tũpa potãã pijapo maĩnunga porãmbarã, ha'ẽã pota heshaha yryrehe mbai pohyva hasaharã. Koñeĩ haikaviva pijapo verãĩ rãnga, ajemaĩ hãĩte ore hasahambava pyarãã.

2 Corintios 13:7 ပူးပေါင်းရင်းမြစ်များ

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Juan 17:15

Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Romano 12:17

Avy mbavape porãmba myngoviajyshu. Piñyhããpo haikaviva pijapo opavare hỹnonde.

Romano 13:13

Hekope kavi jaiko, arapeva rãĩmi hareka japoipo jajapo mbai porãmba, karuraivambape, jakaumbape, yngangavamba iko'i handia hareka kyrãrãĩmba'ia, avy jaiko jaijeshashatãã hareka ñaĩmymorãmbape.

Romano 16:10

Marãndushu Apeles, Cristo rehe heta heshaka jyrojakue Cristo rehe, hareka jyve Aristóbulo ñymoña hãndiare.

1 Corintios 11:19

Ikoñoĩ rãngapo kyrãvã pynymbytepe, kuaaha verã mbara ãñete haikavi'ẽ Tũpa hỹnonde.

2 Corintios 10:10

Ĩme'ẽ heiva shy kuatiape pohyite hareka mbaretepeite aijetava, tẽvã sheteiva aijetarã shypya vasuã hareka shiñee mba'erãã.

2 Corintios 10:18

Shara hokava kuareta ñonohava, ha'ẽãpo ha'ii ñymbyhaikavi'ia, koñeĩ Ñandeja mbyhaikavivaĩpo.

2 Corintios 13:6

Ãhãrõ pee pikuapymondove yryrehe, ore mbai pohyva hasahaĩrã.

2 Corintios 13:8

Shara katuã mbai jajapohe añeteva, koñeĩpo añeteva ñaĩ hãndi.

2 Corintios 13:9

Hãme ore vy'ahaĩ ỹrỹkangyrã, hareka pee pynypyrãtarã; hareka ñymbo'eha pyndyrehe hekope kavi piko verã.

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

2 Corintios 8:21

Õñehãã rãnga haikavi japoha maĩnunga, ha'ẽã Ñandeja hỹnondeĩ, kuaretare hỹnonde jyve.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

1 Timoteo 2:2

tirurehahe opaite huvisharã'õre hareka opaite mbai miñaka'õre, jaiko verã pya vapype hareka ñyrãrõmbape, tykove mbijicheavape Tũpa pevarã hareka ñee ñahendushu Tũpa.

2 Timoteo 2:15

Eñehãã katu Tũpa hỹnonde rypyta kavimavape, pente mba'apo'ia mba'etyre notire verã hareka ñee añeteva hekope kavi mbeuva.

2 Timoteo 4:18

Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.