2 Corintios 12:6 - NandevaBiblia

⁶ Pota aijeta kavi shijeherã, ha'ẽãpo mbaimba vekua rãĩmiva, shara añeteva ambeupo, tẽvã ahejaĩ, potãã mbava pya mbijeta shyreherã vateve shiñono hesha shyrehevaivirã, maĩrã haiva rãĩmi.

2 Corintios 12:6 ပူးပေါင်းရင်းမြစ်များ

Romano 9:1

She Cristo airojaheva, añeteva hai, shapuã. Hareka shypyaivi hai Espiritu Santo pyrỹmboiheva, heishe ko haiva añeteva,

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

2 Corintios 1:18

Tũpa rãnga opa hesha mapeã ore he'iha “ẽẽ” hareka “mba'ety” pente he'iape.

2 Corintios 11:16

Hykuaĩ haijype: Avypo mbava hei shyrehe aikuakuamba'aiva; tẽvã kyrã pypya pimbijetarã, pyma'ẽĩhe taijetape kuakuamba'ia rãĩmi, mishĩĩ airoja katu shijehe verã jyve.

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

2 Corintios 12:11

Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

2 Corintios 12:7

Potãã mbai heshahakashe vekua rehe airojaiteherã, juu shyroope kuture, pente Satanás ĩñee mbeu'ia tunupa shyrovaipi, potãã airojaite shijeherã.

2 Corintios 5:13

Ĩme kuakuaahãã'irã, hokava hai Tũpa pevarã, kyrããrã hokava hai pee pevarã.

2 Corintios 7:14

Ãmarãã Tito haishu airoja pyndyreheva. Kyrãtẽ verã, opaite ore he'ihape vekua hai añeteva, hareka kyrãi jyve Tito he'iashu vekua pyndyrehe ha'ĩjy añeteva, yrỹmbyhorypi.