2 Corintios 12:19 - NandevaBiblia

¹⁹ Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

2 Corintios 12:19 ပူးပေါင်းရင်းမြစ်များ

Romano 12:19

Shyryvyre ahaihuva, avy pyheka pijepyjyve mbai pijapo verã, koñeĩ pyhejapo Tũpa poshykue jahehe; shara Ñandeja hei Mbyparavape: Sha'ãpova hai ñymyngovia, sheepo ñunupape amyngovia.

Romano 14:19

Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.

Romano 15:2

Opaitevapo jajapo ñandapisha pya ohohe verã hareka haikaviva jajapo haire pevarã hareka jyrojave verãre.

Romano 9:1

She Cristo airojaheva, añeteva hai, shapuã. Hareka shypyaivi hai Espiritu Santo pyrỹmboiheva, heishe ko haiva añeteva,

1 Corintios 10:14

Hãme rãnga shyryvyre ahaihuva, pysyryshi ta'ãnga õmombai'iare.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

2 Corintios 10:8

Ajemaĩ ahasavee apory shymbaikatukue, ãnotiã. Ñandeja rãnga meẽshe apurũmupũã verã hareka ha'ẽã apyrỹmbai verã.

2 Corintios 11:10

Hãĩ she ajavymba Cristo ryheva añeteva aikuaa hairã, kyrã aikuaa kavijy mba'ety opaite tentare Acaya tivishakuepy'õ heky shyhevi verã ko ĩme'areva airojakatu shijeheva.

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

2 Corintios 12:15

She rãnga vy'a ryhevepo apory shijehekui kyrypoti ĩme'area, hareka katu sheteiva ameẽjy pyndyrehekui. Apyryhaihuiterãra, marãrapo pee sa'ite shyraihupi?

2 Corintios 13:10

Hãme rãnga, ambyparape kova ndei aha apyryresharã, potãã ahamarã apory mbaikatu Tũpa meẽshevarã pohyite aijetaperã, ha'ẽã opa apyrỹmbai verã, koñeĩ apurũmupũã verãĩ.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

2 Corintios 3:1

Kova kyrã he'iharã, pimoãra hykuaĩma pota ijetaha kavi'ẽjy irijehe? Maĩrã, pipotara pynymbyheshahaka kuatia pa'ãporã, maĩrã jururehape, a'ãmore japosea rãĩmi?

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Filipenses 4:1

Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.

1 Tesalonicenses 5:11

Hãrã piñymykyrẽỹ hareka piñymyhãtangatu pijupe, kueĩpi pijaposea rãĩmi.

Hebreos 6:9

Shyryvyre ahaihuva, kyrãte ijetahava, kuaaha kavi pee pimepeĩva tape haikavivevape, jaishu ñymondojepeva hapepe.