2 Corintios 12:11 - NandevaBiblia

¹¹ Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

2 Corintios 12:11 ပူးပေါင်းရင်းမြစ်များ

Lucas 17:10

Kyrãpo jyve pee, opa pijapo Tũpa japokapevarã, perepo: “Jokuehareirea mba'erãmba'ia rãnga ore; shara japoa verãĩ japoha”.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 3:22

ajemaĩpo Pablo, Apolo, Pedro, maĩrã, ko yvy. Ajemaĩpo tykove, ñymano, ara ã'ẽpeva hareka ara ou verã; opaiteva rãnga hai pa'ãpovare.

2 Corintios 1:6

Ore hasaha'asy'ẽrã, hai pyvya verã hareka pehojepe verã; yrỹmbyvy'aharã, hai pyvya verã hareka pijepymahe, jyhasa'asy ore hasaha vekuarã.

2 Corintios 11:1

Katura pymaĩshyrehe ajema kuakuamba'ia rãĩmi aiko ka'ãĩpi! Ãñete, pymaĩpeveĩ shyrehe.

2 Corintios 11:5

Tẽvã mbaivapeã shimishiveeshi hokava apostol haikavivevare pymbyveteshuva.

2 Corintios 12:12

Opaiteva jyhasa'asykue ahasava ñyhãrõkuaa ryheve, mbaikavi heshaha verã, mbai haĩrãã heshahava hareka moãmba pyheshava, peeteiva opa pyhesha vekua, hokava heshaka ãñete she haiva apostol.

2 Corintios 12:6

Pota aijeta kavi shijeherã, ha'ẽãpo mbaimba vekua rãĩmiva, shara añeteva ambeupo, tẽvã ahejaĩ, potãã mbava pya mbijeta shyreherã vateve shiñono hesha shyrehevaivirã, maĩrã haiva rãĩmi.

2 Corintios 3:1

Kova kyrã he'iharã, pimoãra hykuaĩma pota ijetaha kavi'ẽjy irijehe? Maĩrã, pipotara pynymbyheshahaka kuatia pa'ãporã, maĩrã jururehape, a'ãmore japosea rãĩmi?

2 Corintios 5:13

Ĩme kuakuaahãã'irã, hokava hai Tũpa pevarã, kyrããrã hokava hai pee pevarã.

Galatas 6:3

Ĩme'ẽ pynymbytepe moã hai mbai vasuvarã, tẽvã mba'erã'irã, ijupi ñymbytavy.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,