2 Corintios 11:27 - NandevaBiblia

²⁷ heta porãã ahasa amba'aporã hareka shykangyrã, ache kavimbape, ñymbahy hareka uhe, akarumbape, ro'ype hareka mba'ety ãmondevape;

2 Corintios 11:27 ပူးပေါင်းရင်းမြစ်များ

Mateo 17:21

Tẽvã, mbaimba peuva ryhevepepo pirureshu Tũpa, hãmẽrãpo katu pymohẽ kyrãva mbaiposhyre.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

1 Corintios 7:5

Hãma avypo pere pijupe potamba pypoko ijeheva. Tẽvã mokue ryhevepo piñiñono pente ñeepe, pypokombajy ijehe verã, mbovy ara pimboi verã. Hãma haivi katu pikojy ijupi, mahẽ Satanás pypya hããkui pijyjokoarã hareka pindirityjykui mbai porãmbape.

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

2 Corintios 6:5

urũnupãhãvape hareka ỹrỹmbyperesoavape, ñymomohẽ vasuvape, pohy mba'apoavape, ochehambape hareka irĩmbahyvape,

Filipenses 4:12

Aikatu aiko shypavete ryheve hareka aikatu heta ĩme'arejy maĩnunga, opavare hareka opava pevarã shymbo'eha jyve, shỹvãta hareka shimbahy ai verã, opa ĩme'arevape maĩrã mba'etyite arevape.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

2 Tesalonicenses 3:8

hareka mbavãã ho'uhareiishi pãhã mbyhepyambape. Kyrãtẽ verã, ara hareka pyharekue mba'apoha putu'uhambape, potãã mbava mbyhepy yryreherã.

Hebreos 11:37

Ã'ãmore itape jukaha, mbyteipitei mbija'oha, kyse puku hãĩmbevapy jukaha. Oparupi iko jyre koñeĩ monde avisha hareka kapura pirekue, pavete jyre, vy'ãã reta hareka jyvareha jyrehe.