2 Corintios 11:26 - NandevaBiblia

²⁶ Oparupi aha, heta porãã ahasa yysyryvaipi, manarõ'iare mbyteipi, ãĩmoã ryheve sherẽtarãre mbyteipi, Judiomba retaivi hareka tenta yngavaivi ouvare mbyteipi. Hareka heta ahasa porãã tentaipi, yvy ikoamba retaipi, yyvasu hupi, hareka sherẽtarã rã'angare mbyteipi,

2 Corintios 11:26 ပူးပေါင်းရင်းမြစ်များ

Hechos 13:45

Tẽvã Israelitare heshama hetaite kuareta ñymbatyvarã, oñepyrõ põrãa hei jyrehe Pablo hareka heheijyreshu.

Hechos 13:50

Tẽvã israelvare ijeta hãndi taupere hekokaviva hareka hyrãkuakavi'ia karaivasure hoka tentape'õre hãndi, ijeta hãndi huvisha tentape'õre jyvaishohe Pablo hareka Bernabé mohẽ verãre jy'yvyivi.

Hechos 14:19

Hãma Judiovare Antioquia hareka Iconiova kuaretare mbyposhykashu hareka mbyvaishokahe verã Pablo. Hãma itape Pablo japi reta hareka mõãte jykama retarã, mbytyryry nohẽ reta tentaivi.

Hechos 14:5

Haipema ĩñono reta pente ñeepe israelva hareka haimba israelva hãndi mburuvisharã'õre, apostolre itape japi verã.

Hechos 15:40

hãma Pablo pyhỹrõ jyve Silas. Haipe Jesure jyrojavare ñonoshu reta Ñandeja ipoperã, jyrahajy,

Hechos 17:13

Judio Tesalonicape'iare kuaama Pablo hareka Silas mbeu jyre Tũpa ĩñee Bereaperã, oho jyve reta haipe opa momohẽ kuareta heta vekua.

Hechos 17:5

Tẽvã kova Judiore jyrojambavare heshatãã reta, hãrã õñepyrõ mbaty reta kuimbaire haipi pehupi ikoreii'iare, opa momõhe verã hoka tentape'ẽvã. Hãrã vãhẽ jyraha Jason hentape heka jyre Pablo hareka Silas, nohẽrã meẽshu verã kuaretare.

Hechos 18:12

Tẽvã Galion huvisharãteri'ẽ Acayaperã, Judiore ĩñiñono pente ñeepe pũãhe reta Pablo, haivi raha huvishare hỹnonde,

Hechos 19:1

Apolo ẽẽ teri Corintoperã, Pablo hasa tentami retaipirã vãhẽ oho Éfesope. Haipe hesha mbovy Jesús mboireare,

Hechos 19:23

Hokava arape tape py'ahuva rehe, iko porãmbava tivishava,

Hechos 20:19

Heta ara aiko penendie aijokueka Ñandejape airojamba shijehevape, heta ajahe'o hareka heta ahasa'asy Judiore pota japojyre shyrehevape.

Hechos 20:3

Haipe pyta mbahapy jasy. Hareka varkope ohoserima'ia Siriape, kuaa Judiore ĩñee ñono ñynoĩhearã, hãrã hei yvyipĩĩ oujy verã Macedoniaipi.

Hechos 23:10

Kyrã ñimbitivishave oho ko ikova, hãrã syndarore juhuvisha kyje jukashu verã Pablo, hẽnoka syndarore nohẽ verãre Pablo haire mbyteivi, raha verãre syndarore ho'ipe.

Hechos 25:3

Hãrã jurure kavishu reta Festo, veruka verã Pablo Jerusalenpe, shara haire opamaĩ hei reta juka verãre pehupi.

Hechos 27:42

Hãrã syndarore pyape hei opa juka verã mbyperesoareare, potamba ñemi vẽra ña'ỹtavape.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

Romano 8:35

Mbarapo ñandyrekyshi Jesucristo jyhaihukue? Jyhasa'asyra, vyamba vekua, maĩrã nymoñahãvapera, ñymbahykuera, maĩrã nynanivapera, ñanyngyjeavapera, maĩrã ñymanora?

1 Corintios 15:30

Hãmera mbaiva rehepo opa ara õĩhã yryrykove porãmba jehushu verãpe?

1 Corintios 15:32

Aĩrãrõ hãndi kuimbai rãĩmi Éfesope mymba ñarõ vekua rãĩmiva, mbaivara ãmbijehupy hokava? Mano vekuare kuerajyvyarã, haikavive jajapo ã'ãmore heiva rãĩmi: Jakaru hareka ñaimby'u, paremapo opa ñamano.

2 Corintios 11:32

Tenta Damascope ãĩme'ãĩrã, huvisha vasu Aretas jokueva huvisharã'õ, ñonomba syndarore tenta hõchepe, shypysy verãre.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.