2 Corintios 11:15 - NandevaBiblia

¹⁵ Hãme rãnga ohoheare kyrãĩ mbai japo rã'ãnga ñimbivachepe. Tẽvã hokavare opapokui, japo vekua jurureva rãĩmi.

2 Corintios 11:15 ပူးပေါင်းရင်းမြစ်များ

Hechos 13:10

heishu: Nde tykove japu heko porãmba Ãña tay hareka mbai kaviva ñymbyvaisho'ihea, mbaipera rypoipo rĩmbivavy Ñandeja hape symỹi kaviva?

Romano 2:6

Shara Tũpa pepenteĩpo meẽshukui japo vekuare rupii.

Romano 3:8

Kyrãrã, marã'ĩrãra japohãã porãmbava, haikaviva ou verã? Hokava rãnga he'iha she kyrã amboiva, pota porãã ijetaha shyreherã. Kyrã heiva haikavi jaheahe verã.

1 Corintios 9:11

Ore ñotyhã pyndypyape Espiritu ryhevarã, hãmera katu'ãĩteipo hipityha jyve pyhevi ĩmepyreva ko yvy'ĩãrẽ?

2 Corintios 11:13

Haireta rãnga apostol japuvare, ñimiñee'ia japureiivare, ñymbyheereiipy reta Jesucristo apostolre.

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

2 Corintios 3:9

Shara Moisés mbypara vekua ñandukava hĩmbipemba aryka'e, hãrã hĩmbipeitevepo hai kova, meẽ ñande ñimbivacheva ryheva.

Efesios 6:12

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Apocalipsis 13:14

Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 13:2

Kova mymba ñarõva ova michivasu, tẽvã ipy mymba oso rãĩmiva hareka juru ñavapynta juru rãĩmiva. Hãrã mboi vasu meẽshu ñymbaikatukue hareka vapypya, harekajy pota japova japohe verã kuaretare.

Apocalipsis 9:11

Tukure ĩmere juhuvisha vasu, Ãña jokuerea yvykua vasu kypevape'õ, hebreo ĩñeepe mbyheava Abadón, hareka griegope Apolión he'iseva “pyrỹmbai'iva”.