2 Corintios 1:19 - NandevaBiblia

¹⁹ Shara Jesucristo Tũpa Tay, hai Silvano, Timoteo hareka she, ñimiñe'ẽha pymbyteipi, ha'ẽã rãngakueipi “ẽẽ” hareka “mba'ety”, koñeĩ, Cristo rãnga hai “ẽẽ” Tũpaivi.

2 Corintios 1:19 ပူးပေါင်းရင်းမြစ်များ

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 24:35

Ara hareka yvy opapokui, tẽvã shiñee opããpokui.

Mateo 27:40

hei: Nde rityndaporẽĩ tũpao hareka rũmũpũã ndapojy mbahapy aravape, ñymondojepe jyvy. Nde hai Tũpa tayrã vejy hoka kurusuivi.

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

Marcos 1:1

Ñee kaviva õñepyrõhea Jesucristo ryheva, Tũpa tay.

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Juan 1:34

She aheshama, hãrã ambeu jyve haiñõĩva Tũpa Tay.

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Juan 19:7

Judiore heishu: Ore rãnga ĩmerekoha ñee mbyparahava, haipy hei manoñoĩ verã, shara hei ijehe Tũpa Tay.

Juan 20:28

Haipe Tomas hei: Sheja, hareka shu Tũpa!

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 6:69

Ore rãnga jyrojaha ndyrehe, hareka kuaaha nde haiva Cristo, Tũpa Tay.

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

Hechos 15:22

Hãma Apostolre, tũpao ñakarã'õre, kuakavare hare opaite tũpaope'õre mbyteivi pỹhỹro reta Judas, mbyheavajy Barsabas hareka Silas mondoha hãndi verãre Pablo hareka Bernabé Antioquiape. Judas hareka Silas kuimbai hekokavivare pente'ova Tũpare jyrojavare.

Hechos 16:1

Pablo vãhẽ oho Derbe hareka Listraperã haipe hesha pente mbo'eharea, Timoteo he'iashua, pente taupe Judiova memby ko taupe jyrojava jyve Jesús Cristore, tẽvã tuu hai Greciape'õ.

Hechos 18:5

Silas hareka Timoteo vãhẽ jyveru Macedoniaivirã, Pablo ñimiñeeretei'i hareka heishu Judiore Jesús haiva Mesia.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

1 Tesalonicenses 1:1

Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

2 Tesalonicenses 1:1

Ore Pablo, Silvano hareka Timoteo mondohakape marãndu tũpao Tesalonicape'õre, ñymypenteheva Tũpa hareka Ñandeja Jesucristo.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Hebreos 1:11

Kova rijapo vekuare opapo mambaihakui, tẽvã nde opa ara rikopo. Kovare mondeava rãĩmipo opa tujakui.

Hebreos 13:8

Jesucristo rãnga hai ka'ãmeva, ã'ẽva hareka opa ara pevarã.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.

2 Pedro 1:17

Shara ore haipe ĩmehã'ẽ jyve Tũpa Teru õmombai vasushurã. Henduha hokava Tũpa ĩñee hĩmbipeva rupii: “Kova hai shyray ahaihuva, hai reheĩ avyava”.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

2 Juan 1:9

Ĩme'ẽ Cristo pyrỹmboiva rãĩmi õhẽshivarã mba'etyre Tũpa; tẽvã ikova heiva rãĩmi ĩmere Tuu hareka Tay.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 1:17

Hãrã aheshamarã, a'a yvype ipy hỹnonde manova rãĩmi. Tẽvã hai ipo jakata ñono sheãrẽ, heishe: Avy kyje, she hai õñepyrõhea hareka japyhea.

Apocalipsis 1:8

She hai jypy hareka japyhea, õñepyrõhea hareka japyhea, hei Tũpa ñymbai katuveva, hykove'ia, hykoveñoĩ'i vekua hareka ouserimava.

Apocalipsis 2:18

Mbyparashu Tũpa jokueva tũpao Tiatirape'õ: Kyrã hei Tũpa ray, hesa tata hendyva rãĩmiva hareka ipy bronce verava rãĩmiva.