1 Timoteo 6:9 - NandevaBiblia

⁹ Tẽvã pota ikokatuvare oa pyahã'ãvãpe mbai mbo'ahava rãĩmi, hãrã oa mbai potaraiviape hareka pyrỹmbaivape, kova mbai porãmba vekua, opa raha kuaretare ñymbai verã kyty hareka õñehundi verãpe.

1 Timoteo 6:9 ပူးပေါင်းရင်းမြစ်များ

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Mateo 19:22

Hãrã ko kunumi hendu hokovarã vy'ãã ohojy, shara ikokatu.

Mateo 26:15

haipe heishu: Mbovyrapo pymbyhepyshekui Jesús ameẽperã? Hãrã haire meẽshu 30 nikere kyrypoti.

Mateo 6:19

Avy pymbaty maĩnunga hetava yvy'ĩãrẽ, kupii opa houvaipi, maĩnungakuere opa tujavape, hareka mãnãrõ'iare icheseaipi opa ñomi verã.

Marcos 4:19

tẽvã ojepy'apy ko yvy'ĩãrẽ'õreirã, jytavykashu iko katukue hareka pota hetare mba'ekue, kova opa ou ĩãrẽshi ñee hẽnduvarã, katoa ia.

Lucas 12:21

Kyrã rãnga jehushu hai pevarãĩ heta mbai mbaty'ia, tẽvã mba'ẽã ĩmere Tũpa hỹnonde.

Lucas 21:35

shara mbai pyrỹmbo'apya rãĩmipo oukui hokava ara, opaiteva kuaretare yvy'ĩãrẽ ẽva retape.

Hechos 8:20

Pedro heishu: Ndykyrypoti ryheve tijahea ndyrehekui! Shara ndypya kyrã rimbijetahe Tũpa kyrypotipy ovaha verã.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

1 Timoteo 1:9

Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.

1 Timoteo 3:7

Tekotẽvẽ ijetaha kavijyvehe Jesús jyrojambaterihevare mbytepe, mahẽ ijetaha porããhe hareka oakui Ãña ñonovapy.

1 Timoteo 6:10

Shara kyrypoti jyhaihu hai opa mbai porãmba vekua jypy, hãrã ĩme'ẽ kyrypoti potaiterã poi jyrojava, hareka heta veru ijupe jyhasa'asy hykovepe.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

2 Timoteo 2:26

kyrã sareko verãre hareka ñemijyshi verãre Ãña mykatyrõ'õ pysy verã, hareka hai pota japovaĩma japohe verãre.

Tito 2:12

Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Judas 1:11

Tengapo retakui! Shara Caín rãĩmi jyre, hareka Balaam rãĩmi kyrypoti pota retarã mbyry javy, hareka ñee henduã retarã Core rãĩmipo opa mano.