1 Timoteo 5:5 - NandevaBiblia

⁵ Taupe ĩme manoshia ãñete hã'ẽĩ pytava hãrõ Tũpa, jurureshu mbory verã arape hareka pyharekue.

1 Timoteo 5:5 ပူးပေါင်းရင်းမြစ်များ

Lucas 18:1

Jesús mbeushu reta pente ñee ñymyhã'ãnga mboishu verãre, ñymboiñoĩ verãre, hareka ñymykangymbape.

Lucas 18:7

Hãmera Tũpa hepyãpojyve jyrojahea, jurureñoĩ'ishuare ara hareka pyharekue? Kỹỹrapo hãrõshu mbory verã?

Lucas 2:37

tẽvã japoma 84 ãño ĩme manoshia. Õhẽmbava tũpao vi, ara hareka pyhare karumbava, ñymbo'e Tũpape õmombairã.

Hechos 26:7

Opaite 12 tribu Israelpe'õre hãrõ reta hesha verã hokava ñee mẽ'ẽava ryheva, hãme rãnga õmombai vasushu reta Tũpa ara hareka pynturã. Mburuvisha vasu Agripa, Judiore porã hei shyrehe reta.

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Hechos 9:39

Hãma Pedro pũãrã, oho hãndi reta. Haipe vãhẽmarã, raha reta Tabita hetekue ẽvãpe hareka opaite ĩme manoshiare haipe ẽẽjyve, jaheo ñynoĩ hareka mbyheshaka mondeava hareka jaso'iavare Dorcas imeteri'irã japo vekua.

Hechos 9:41

Pedro mbyhasashu ipo mũpũã verã, haivi hẽno heko kyambare hareka ĩme manoshiare, hãrã heshaka Tabita kuerajymava.

Romano 1:12

Jaishu, pepenteĩ ñaĩmykyrẽy verã jyrojakue ñambeu ijuperã.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

1 Corintios 7:32

Potaitianynga apyryresha pejepy'apymbape. Hyrekombaterivare ñyngarekohe mbai Ñandeja ña'ãpovare, hareka heka marãrapo mbyvyashu.

1 Corintios 7:34

Kyrã mokue hendape jyvavy. Taupe ĩme'ia hareka nde'iave ĩmeva ojepy'apyhe Ñandeja ryheva, shara ky'ã'ẽ hetepe hareka hykovepe. Tẽvã taupe omendamavare ojepy'apyhe mbai ko yvy'ĩãrẽ'õre hareka heka marãrapo mbyvya ĩme.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Filipenses 4:6

Avy pejepy'apy maĩnungare, opa pymbeu Ñandejape pimboimarã, pirureshu hareka pymeẽshu pyndyvy'akue.

1 Timoteo 2:1

Tynondeite, tirureha'asyhe, timbo'eahe, tirureahe opaiteva kuaretare, hareka tyme'ẽãshu vy'akue opaiteva kuaretare rehe,

1 Timoteo 5:16

Ĩme'ẽ taupe jyrojava hentape ĩmereva ĩme manoshiarã tingarekohese, avy tyhãrõ tũpao mbory verã, kyrãrapo tũpao katu mbory ĩme manoshia ãñeteĩte mba'etyreva mboryshu verãre.

1 Timoteo 5:3

Mbyveteshu taupe ĩme manoshi vekuare, ãñeteĩte mba'etyreva mboryshu verã.

2 Timoteo 1:3

Shymandua ndyrehe arape hareka pyharekue aimboirã, ameẽ shy'ajetekue Tũpape, ahahe pya kyamba ryheve, shytynondevare japova rãĩmi.

1 Pedro 3:5

Kyrãmba ñymymashỹã arykai taupe heko kyambare, haire jyrojambahe Tũpa hareka opa mbaipemba japoshu imere heiva.