1 Timoteo 5:17 - NandevaBiblia

¹⁷ Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

1 Timoteo 5:17 ပူးပေါင်းရင်းမြစ်များ

Mateo 24:25

Ãmbeu'ãiĩpe kova, ndei ikorã.

Lucas 10:7

Pypyta hoka oope, peu hareka pimbyupy me'ẽãpeva; mba'apo'ia rãnga ẽẽñõĩ me'ẽãshu verã japova hepykue. Avy kokoty'õ oo retaipi pikokui.

Lucas 12:42

Ñandeja heishu: Mbavara hai ñyngareko'ihea japumbaa kua kaviva hareka hekope kavi he'iashuva japova, kyrãva oo ija hejaposhu hoo ipe ñyngareko verã, hareka myngaru verãre jy'arape kavi?

Juan 4:38

She apyrỹmondo pymynõõ verã peemba piñotyva; yngava reta rãnga heta mba'apohe, hãrã haire ñotỹ vẽkua pymynõ'õĩmapo.

Hechos 11:30

Kyrã japo retarã, Bernabé hareka Saulo rupii rahaka reta Tũpape me'ẽãva, kuakuavare Judeape'õre pevarã.

Hechos 20:35

Haiñoĩ apyrỹmboihe marãrapo pymba'apo hareka ikotẽvẽva pymbory verã, ñanymanduahe Ñandeja Jesús hei vekuarã: “Me'ẽã ñandevaivi javyave, mbai ñameẽrã”.

Hechos 28:10

Hãrã haire heta ñyngareko kavi yryrehe, hareka jupiamajy varkoperã, opaite meẽjy'ore pehupi ho'ua verã.

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

Romano 15:27

Haikavishu reta ha'ire japo verãrã, japo kavi reta, ajemaĩ hai jyve japoñoĩ verãre. Shara kyrã Judio jyrojavare mbijajao jyveshu espiritu ryheva haire hipityva haimba Judiovare, myvãhẽ jyve reta mbai haikaviva espiritupe, kyrã ẽñoĩjyvepe pymbory verã ñandyryvyre maĩnungape.

Romano 16:12

Pymarãndushu ñaniindyre Trifena hareka Trifosa, Ñandeja ryhevape mba'apovare hareka haihuhava Pérsida, heta mba'apova jyve Ñandeja pevarã.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

1 Corintios 16:16

Airurepe pẽĩngatuhe verã kuareta hai rãĩmivare, opaite pyrỹmbory hareka mba'apo'iare.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Galatas 6:6

Opaite mbo'eava ko ñee haikaviva rupii, opaite hipityva mbai kavi mbijaopoveshu mboirea.

Filipenses 2:16

Tãnta pẽĩhe hokava Ñee kavi meẽva tykove. Kyrã, Cristo oujymarã shypya horypo pyndyrehe, aikuama ãñanireĩã hareka amba'aporeiarã.

Filipenses 2:29

Pymyvãhẽshu Ñandeja heepe vy'akue ryheve, hareka hai rãĩmiva pyndyroryñoĩpo hãndi.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

1 Timoteo 3:5

Hãma hai katũã miñaka kavi hentape iko hãndiarã, marãirapo miñaka kavijy Tũpa jytũpaope?

1 Timoteo 4:10

Ha'erãveĩ rãnga ñamba'apo hareka ñañehãã ñandijehe he'iha'i ñandeape, shara jairojahe Tũpa hykove'ia, hai hokava opava retape mondojepe verã, tynondeite'ẽ opaite jyrojaheare.

1 Timoteo 4:14

Ñyngarekohe mbai rikatu rijapova Tũpa meẽ nde vekua, Jesús jy'tupao miñaka'iare ipo ñono neãrẽrã vekua. Espiritu Santo kyrã heishu retarã.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

1 Timoteo 4:6

Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.

1 Timoteo 5:19

Avy rojande Jesucristo tũpaope miñaka'ia he'iaheva, mba'ety mokue maĩrã mbahapy heshavarã.

1 Timoteo 5:3

Mbyveteshu taupe ĩme manoshi vekuare, ãñeteĩte mba'etyreva mboryshu verã.

2 Timoteo 2:6

Koohupi mba'apo katuvaĩpo areã hipity ñotyva ia.

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

Hebreos 13:24

Pymarãndushu opaite tũpaope miñaka'ipeare hareka ñandyryvyre Tũpa pyhyrõvare. Italiape'õre mondo jyvepe marãndu.

Hebreos 13:7

Pynymanduahe tũpaope miñaka'ipeare hareka Tũpa ĩñee mbeupe vekuare; pypya pimbijetahe mbovyra mbai kavi japomba reta hykovepe hareka kyrã pyroja haire rojava rãĩmi.