1 Avy ñyngãtashu kuimbai kuakuamava, nderu rãĩmipo rỹmbarakuaa, hareka kunumire ndyryvyre rãĩmiporyre;
Tẽvã pee avypo kuaretare pynymbyhee pyrỹmboi'ia, shara pee pente'ovare hãrã pyrỹmboi'ia rãnga penteĩ'ẽ, hokava hai Cristo.
Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.
Vãhẽmã jyraha Jerusalenperã, Apostolre hãrã kuakuava tũpaope'õre hareka Tũpa hope ñymboivare myvãhẽ kavi reta. Haipe Pablo hareka Bernabé mbeu kavishu reta opaite Tũpa japova haire rupii.
Hãrã ñymbaty reta Apostol hareka tũpao mĩnãkã'iare, kuaa verãre kova, mbaivara Ñanderu Tũpa pota.
Miletope imeteri'ẽrã, Pablo hẽnoka tũpaope miñaka'õre, Éfesope'õre ijeta hãndi verã.
Hãme rãnga pymbyhepyñoĩposhu ẽẽva rãĩmi pymbyhepyshu verã, tenta jurureva maĩrã mburuvisha jurureva, pymbyvete maĩrã pymytynonde jyveshu.
Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.
Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.
taupe kuakuavare ndesy rãĩmi japo, hareka kuñataĩre niindy rãĩmiporyre, niñerãmba ryheve.
Kuakuavare mbai hekopeñoĩpo japo reta, japo kavipohe yngavare hareka ñakavapy verã, tanta jyrojava, jyhaihukuepy hareka jepyhe verã jyhasa'asy.
Mykyrẽy jyveshu kunumire ñakavapy verã,
Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.
Ĩmera'ẽ ñymbairasyva pynymbytepe? Pyhẽnoka Tũpa hoope miñaka'ia, jurure'ĩãrẽ verã hareka asaite kytyhe verã Ñandeja heepe.
Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:
She Juan, shyryvyre Tũpa pyhỹrõ vekua pevarã hareka memby retape añetevape apyryraihu, ha'ẽã sheĩ, opaite añeteva kuava reta rãnga jyve,
She Juan, akuakuamava ambyparashu kova kuatia, shyryvy Gayo añete ahaihuva.
Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.