1 Timoteo 4:8 - NandevaBiblia

⁸ Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

1 Timoteo 4:8 ပူးပေါင်းရင်းမြစ်များ

Mateo 12:32

Tũpa hejareiiposhu kuareta Tay ijeta porãmbahea, tẽvã Espiritu Santo ijeta porãmbahea, ko yvy'ĩãrẽ hejareiiãposhu hareka ara ou'ẽ verãpe.

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

Mateo 6:33

Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.

Marcos 10:30

Heja vekua hendakuepe, 100 vepo hipityjy hasa'asykue ryheve ã'ẽvãĩ ko yvy'ĩãrẽ; hoorã, tyvy, hiindy, ishy, ta'y, hareka yvy, tẽvã manomarã hipitypo tykove opambava.

Lucas 5:38

Shara vino py'ahuva mbyhyruañõipo vakapi py'ahuvapy.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

1 Corintios 3:22

ajemaĩpo Pablo, Apolo, Pedro, maĩrã, ko yvy. Ajemaĩpo tykove, ñymano, ara ã'ẽpeva hareka ara ou verã; opaiteva rãnga hai pa'ãpovare.

1 Corintios 8:8

Ha'ẽã rãnga jauva rupii Tũpa ñanymyvãhẽ verã, shara ha'ẽã jakarujairã haikavivejaiva maĩrã jakaruãrã porãmba'eitejaiva.

1 Timoteo 4:7

Hãrã mbijiche ndijuhuvi ñee kuareta juru porãmba ryhevare hareka ñeereiva taupe kuakuava mbeuva; kyrãtẽ verã, ñymypyrãtakatu tykove mbijicheava Tũpa pevarãpe.

1 Timoteo 6:3

Ĩme'ẽ yngai'ova pyrỹmboi'ihea, ohombahea Ñandeja Jesucristo pyrỹmboihe vekuarã, hareka tykove mbijicheava Tũpa pevarã jahahea ñanymboihea rãĩmi,

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

1 Timoteo 6:6

Ãñete rãnga tykove mbijicheava Tũpa pevarã heta veru ñande maĩnunga haikaviva, tẽvã koñeĩ ĩmerea ryheve vyava pevarãĩ.

2 Timoteo 3:5

Ñymbyhekopo tykove mbijicheava Tũpa pevarã rãĩmi, tẽvã ñomipo jyre Tũpa ñymbaikatukue. Avy jihia'i kuareta kyrã'iare.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

1 Juan 2:25

Kova hai hei vekua meẽ ñande verã, tykove opambava.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.