1 Timoteo 4:12 - NandevaBiblia

¹² Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.

1 Timoteo 4:12 ပူးပေါင်းရင်းမြစ်များ

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

1 Corintios 11:1

She aikova rãĩmi piko, aikova Cristo rãĩmi.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

1 Tesalonicenses 1:6

Pee pikojyve ore ikohava rãĩmi hareka Ñandeja rãĩmi, Espiritu Santo meẽpeva vy'akue ryheve, ajemaĩ heta piko'asy.

1 Tesalonicenses 2:10

Pee pikuaa kavi hareka Tũpa jyve, marãra pirojava mbytepe yryrykove ky'ã, hekope kavi ikoha, hareka mba'ety he'iha yryrehe verã.

1 Timoteo 1:14

Tẽvã Ñandeja ñymbai kavikue tivishave ou sheãrẽ, jyrojakue hareka jyhaihukue ryheve, Cristo Jesús rupii katu ĩmẽjareva.

2 Timoteo 2:15

Eñehãã katu Tũpa hỹnonde rypyta kavimavape, pente mba'apo'ia mba'etyre notire verã hareka ñee añeteva hekope kavi mbeuva.

2 Timoteo 2:22

Syryshi porãmba kunumire japoseva hareka heka teko jyvache, jyrojakue, jyhaihukue hareka pyavapy, hãndi opaite pya kyamba ryheve Ñandeja õmombai vasu'iare.

2 Timoteo 2:7

Ndypya mbijetahe ko haindeva, shara Ñandeja meẽpo nde ãrãndu opa mbai rikuaa verã.

Tito 2:15

Hỹnatu ñimiñeehe kovare, rỹmykyrẽỹ hareka rỹmbyhaikavi verã kuaretare. Avy heja mbava timbyhory ndyrehe.

Tito 2:7

ndeteivapo ryheshaka marãra japoha mbai haikaviva, pyrỹmbo'eahea haikaviva rupii, pya kavipe,

Santiago 3:13

Ĩme'ẽ pynypaũpe ĩñarãnduva hareka opa mbai kuaavarã, tyheshaka heko kavikue rupii jyrojamba ijehevape, hai mbai kuaava rãĩmi.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

1 Pedro 5:3

Avy pingareko peĩhevare pikoshu ijarã rãĩmi, piñyhãã tyheshaa pyndyrehe mbaikavi pijapova.