1 Timoteo 2:8 - NandevaBiblia

⁸ Hãme rãnga aipota kuimbaire oparupi timbo'e tuhupi ipo kyambava, poshymbape maĩrã yngavare ijakamba hãndiape.

1 Timoteo 2:8 ပူးပေါင်းရင်းမြစ်များ

Mateo 21:21

Jesús heishu reta: Ãñete hai pee, piroja pyndypya mokuemba ryheverã, ko igo jypyre ajapova rãĩmi katupo pee pijapo jyve, katupo pereshu yvyturusu: “Syry koivi, ekua eapy yyvasu” hãrã kyrãpo iko.

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Mateo 6:12

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Lucas 24:50

Haivi Jesús rahashu reta Betania peve, haipe ipo hupirã ohovasashu reta.

Juan 4:21

Jesús heishu: Nde taupe, shyroja, vãhẽserima ara mbaveama ou verã ko yvyturusure õmombaivasu verã Tũpa, hareka oho verã Jerusalenpe.

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

Hechos 10:31

Hãrã heishe: “Kornelio, Tũpa henduma rirureshuva hareka opama hesha rijapova, pavetevare rymboryshurã.

Hechos 10:4

Kornelio haipe mãĩ'ẽhe Tũpa jokuevarã kyje ryheve pyrãndushu: Mbaivara ripota, Sheja? Tũpa jokueva heishu: “Tũpa hendu rirureshuva hareka vy'aite'i rijapovare, pavetevare rymboryshurã.

Hechos 21:5

Tẽvã opama hasa hoka 7 ararã, õhẽha. Opaite Jesure jyrojavare jyraha hyrekore hãndi hareka ñysanjayre hãndi, ĩrĩmi'ĩrũ reta tenta õhẽãshipeve hareka yy hymbeype ĩñesuharã ñymbo'eha.

Hechos 7:60

Haivi ĩñesurã hỹnatu sapuke: Sheja, avy ityhe reta mbai porãmbava. Hãrã kova opama heirã, mano.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

1 Corintios 7:7

Ãñete aipotatẽpo opaiteva kuimbaire she rãĩmijyree, tẽvã Tũpa pepenteĩ meẽshu japo verã. Penteva yngai japo, yngava yngaivejy, kyrã oho.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

Filipenses 1:12

Shyryvyre, aipota pikuaa kova mbai jehushevare haikavi jyve Ñee kaviva ryheva ñimbitivishave oho verã.

1 Tesalonicenses 1:8

Pyndyhevi õñepyrõ Ñandeja ĩñee mbe'uha rahaha, ha'eã Macedonia hareka Acayapeĩ, oparupi rãnga, hareka opa kuaaha jyrojakue ĩmepyreva Tũpare, hãrã katuveãma mbaiva he'ihajype.

1 Timoteo 5:14

Hãme rãnga aipota ynga rekojy taupe ĩme manoshia kuñataĩteriare, tymemby hareka tingareko kavihe hoo, mahẽ ñanymorãmba'iare ijeta porãã'ihe retakui.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Pedro 3:7

Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.