1 Timoteo 1:17 - NandevaBiblia

¹⁷ Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Timoteo 1:17 ပူးပေါင်းရင်းမြစ်များ

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 5:44

Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?

Romano 1:20

Tũpa opava japovare rupii heshaka katumba heshahaheva, ñymbaikatukue opamba ryheva hareka haiteiva hai Tũpa. Hãme rãnga mba'etyma hei verãre.

Romano 1:23

hareka ynga ñonojy reta Tũpa jyhaihu hendakuepe, õmombaitẽ verãre Tũpa ikova opa ara, haire õmombai tarã'ãnga kuimbai manova ryheva hã'anga; vyrare, mymba urũndy ipyreva hareka mymba pitiareĩ vatavare.

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

Romano 16:27

Tũpa penteĩ'õ, koñeĩ iñarãnduva, hĩmbipe opa arape Jesucristo rupii! Amén.

Romano 2:10

Hãma haikaviva japoñoĩ'iare, Tũpa meẽposhukui tenda haikaviva, mbyvetehapo hareka pyavapy, tynondepo Judiore hareka jyve haimba Judiore.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Colosenses 1:15

Cristo rãnga hai Tũpa Tay, hai rãnga ndei yvy japoharãvãĩmba ẽẽ hai; hai rãnga Tũpa jaheshambava hã'anga.

Hebreos 11:27

Jyrojakue rupii Moisés heja yvy Egipto, mburuvisha vasu kyjembashiape, ñymypyrãnta katuhe hesha'ẽva rãĩmi Tũpa Heshahambava.

Hebreos 2:7

Tũpa jokuerea retaivi mishĩĩ rijaposhu, hareka rĩñonohe hĩmbipekue hareka rymbyvete.

1 Pedro 5:11

Hai pevarã hai mbaikatukue opa ara. Amén.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

1 Juan 4:12

Mba'etyiteimba Tũpa heshava, tẽvã ñande jaijyhaihurã Tũpateipo iko ñandypyape, hareka hai jyhaihukue jykuaakavi ñandyrehe.

Judas 1:25

Hãrã japyraheposhu Ñanymondojepe'ia koñeĩ'ia. Jesucristo rupii Ñandejape, opa kuaa vateve'ẽvã, ñymbaikatuva hareka hĩmbipeva. Japyraheshu Tũpa opaite kova rehe, ã'ẽ hareka opa arape. Amén.

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 19:1

Kova mbaijyrã, ahendu vate arape kuareta ñymbaty'õre rãĩmiva hỹnatu hei ñynoĩvare: Aleluya! Ñymondojepe, ñemombai hareka mbaikatu rãnga ñanu Tũpa ña'ãpovare.

Apocalipsis 19:16

Ñyponshore hareka iure mbyparahahe hee: “Mburuvisha vasure Juhuvisha Vasu hareka karaivasure Ija”.

Apocalipsis 19:6

Haivi ahendu vate arape kuareta ñymbaty'õre rãĩmiva, yyvasu mbyhy'apuva, hareka hỹnatu hy'apuva rãĩmi, heiva: “Aleluya! Õñepyrõma huvisha vasurã'ẽ hai ẽvãpe, Ñandeja opa ñymbaikatuva.

Apocalipsis 7:12

Hei reta: Amén! Japyraheshu hareka ñambyveteshu, ñameẽshu ãrãndu, ñameẽshu ñandy'ajetekue hareka ñamombaivasushu, ñameẽshu mbaikatu, hareka pyrãtakue ñanu Tũpa opa arapeva. Amén!