1 Tesalonicenses 5:6 - NandevaBiblia

⁶ hãrã avy jache yngavare rãĩmi, jasareko hareka jaiko hekope kavi.

1 Tesalonicenses 5:6 ပူးပေါင်းရင်းမြစ်များ

Mateo 13:25

Hãrã pỹnturã iche heshatambarea, haivi timity porãmbava ñoty trigo mbytepe hãrã oho.

Mateo 24:42

Pymãi kavipeĩ, shara pikuãã mbaipera oujypo Peja.

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Mateo 25:5

Hoka temerã ỹrẽ'ã vãhẽrã, kuñatãire opa hypehy reta hareka opa oche.

Mateo 26:38

Heishu reta: Shyrykovepe ãĩñymbasy, ãñandu ãmano verã rãĩmi. Kopẽĩ pime hareka avy peche shyhevikui.

Marcos 13:37

Kova haipeva, opaitevape hai: Avy peche.

Lucas 12:37

Vy'apo jokuehareireare oo ija oujymarã, hesha ocheã'ẽrã. Ãñeteĩte hai pee, oo ija mondepo jokueharea mondeva hãrã mbyvapypo mesape, hareka oupo ijokueka jyveshu.

Lucas 12:39

Hãma pikuaa kavi kova: Oo ija kuaa mbaiperapo ou manarõ'iarã, ochẽãpo'ẽ hãrã ma'ẽĩãpohe iche ho'ipe manarõshu verã.

Lucas 21:36

Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

Lucas 22:46

hãrã heishu reta: Marã'ĩrãra pechepẽĩ? Pupũã hareka pirure rãngapo, potãã pypya hã'ãrã.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

1 Corintios 16:13

Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Filipenses 4:5

Opavare tyhesha pynymbaikaviva. Ñandeja kõõima oujy!

Colosenses 4:2

Pirure katu, pimoã ryheve hareka pymeẽ pyndy'ajetekue Tũpape.

1 Tesalonicenses 4:13

Shyryvyre, potãã rãnga pypyta pikuambape mbaivara ikoshi manovare, mahẽ pyvy'ãã jyve, mbaimba hãrõ'õre rãĩmi.

1 Tesalonicenses 5:10

Jesucristo rãnga mano ñandyrehe, ñandyrykovepe maĩrã ñamanomarã, jaiko hãndi verã.

1 Tesalonicenses 5:8

Tẽvã ñande ara kõĩvape jaiva, opa arapo haikavi jaiko. Jaijochapopy jyroja hareka jyhaihukuepy, syndaro ijochapya rãĩmi pitiaipi, ñymyhẽva'õ ñyrãrõ verã, syndaro ñãka jochapya rãĩmi ñañõno ñandijehe ñyhãrõ hareka ohojepea ryheva.

1 Timoteo 2:15

Tẽvã taupe ohojepepo membyrã, jyroja katurã, ẽẽ jyhaihukueperã hareka heko kyamba ñakapory kaviva ryheve.

1 Timoteo 2:9

Kyrã jyve taupere ñimimonde kavipo, pyrỹmymarãkambape, hareka ñymymashiã jyvyĩmbape, avy tivavarehe ñakahaa maĩrã ita verapy, perla, mondeava hepyva retape.

1 Timoteo 3:11

Kyrãi jyve diaconorã ñonoavare hyrekore, heko kavipo jyve, hareka ijeta reĩãpohe hapisha, jyrojããpo ijehe, hareka opa mbaipepo jyrojahahe.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

Tito 2:12

Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

Tito 2:6

Mykyrẽy jyveshu kunumire ñakavapy verã,

1 Pedro 1:13

Hãme rãnga pyhãrõpo, pyny'ãrãndupo hareka pyharõkuaapo, mbai haikavivare Tũpa meẽpope Jesucristo ijeshakamarã.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

Apocalipsis 16:15

Pymaĩ, manarõ'ia rãĩmipo aijy. Vy'apo shy'ãrõ õva hareka mondea natuva, mahẽ nanitei vãhẽashukui hareka heshaha ñynoti.

Apocalipsis 3:2

Sareko hareka mypyrãntajy hembyteri'ẽndeva rijapo verã; tẽvã rypoiserima rijapo, shara ahesha rijapova porãã Tũpa hỹnonde.