1 Tesalonicenses 4:6 - NandevaBiblia

⁶ Avy mbava kova mbai rehe tijapo mbai porãmba hareka tymbytavy hapisha, shara Ñandeja purũnũpa kova mbai rehe, pyndyrykyjehava rãĩmi.

1 Tesalonicenses 4:6 ပူးပေါင်းရင်းမြစ်များ

Marcos 10:19

Rikuaa kavi rãnga ñeẽ japoa verã: “Avy jyrekomava pokojyhe, avy puruka, avy manarõ, avy ijetareiihe ndapisha, avy ndapu; japo nderu hareka ndesy heindeva”.

Lucas 12:5

Ambeupo pee mbavaivirapo pykyje: Pykyjeshi katu hekyva pyndykove, haivi rekova mbaikatu piririty verã tata vasupe; She hai pee, pykyjeshi hokava.

Lucas 16:28

ĩme'are 5 shyryvyre, tymbeuveshu reta mahẽ haire oujyvekui ko hasaha'asy'õpe”.

Romano 1:18

Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

Romano 12:19

Shyryvyre ahaihuva, avy pyheka pijepyjyve mbai pijapo verã, koñeĩ pyhejapo Tũpa poshykue jahehe; shara Ñandeja hei Mbyparavape: Sha'ãpova hai ñymyngovia, sheepo ñunupape amyngovia.

Romano 13:4

Shara haire ẽẽ jyve Tũpa heiva japo verã haikavinde verã. Tẽvã mbai porãmba rijaporã rykyjepo, shara kyse pukuva rahareiãã reta, koñeĩ Tũpa ipope ẽẽ jyve hai rupii jahehe verã porãmba japo'ia.

2 Corintios 7:11

Haikavi Tũpa pota rupii piñymbasypeĩrã. Pymaĩhe marãra veru mbai haikaviva! Kyrã mondo kuaa mba'eã ajaporã hareka shyrepy reta. Hãma poshy reta hareka kyje reta maĩnunga iko verãre. Pota shyresha reta hareka ajeraima japova jahehe reta. Opaite kova rehe, pyheshaka peĩã jyve kovaperã.

Galatas 5:21

pyryreshatãã, pirijuka, ka'u, karuraivi, hãrã japojy heta mbai kyrãva. Apyrỹmymandu'akajyhe haimapeva rãĩmi, kyrã'ia icheãpokui Tũpa ẽvãpe.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

Efesios 5:6

Avy mbava pynymbytavy ñeereivape, kova mbai rehe rãnga verupo Tũpa ñunũpa pohyiteveva opaite ñee hendumbava ĩãrẽ.

1 Tesalonicenses 2:11

Pikuaajy, pepenteĩ pynymykyrẽ'ỹha hareka pynymbypy'a kavijy, pente teru tayre japoheva rãĩmi,

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

Hebreos 2:6

Tẽvã añete mbava hei: Mbaivara hai kuareta, nymanduahe verã? Mbaivara hai kuaretare nymanduahe verã maĩrã kuareta tay ryraha ndijehe verã?

Santiago 2:6

Pee rãnga pijapo mbaimbava rãĩmi pavete'iare. Ha'eãra iko katuvare pynymymba'apokarei'iva hareka pyndyraha'ia huvishare hỹnonde?

Santiago 5:4

Pymaĩhe, koohupi mba'apo'iare mbyhepyambashuvare, pymbytavy pyrerã pymbyhepyãshu hareka haire jurure'asyvare vãhẽ Teja Ñymbaikatuva japysape.