1 Tesalonicenses 4:5 - NandevaBiblia

⁵ Avy piko pyndavasapi hareka porãmba pipota pijapo, kuareta Tũpa kuaambare rãĩmi.

1 Tesalonicenses 4:5 ပူးပေါင်းရင်းမြစ်များ

Mateo 6:32

Opaitea kovare ojepy'apy Tũpa rojambare, tẽvã pyreko pente Peru vate'õ, opa kuaava mbaivara pikotẽvẽ.

Lucas 12:30

Shara opaite kova mbai ojepy'apyhe kuareta ko yvy'ĩãrẽ'õre; tẽvã pee ĩmepyre Peru vate arapy'õ, opa kuava mbaivara pikotẽvẽhe.

Hechos 17:23

Shara pemombai vasuvaipi ahasarã hareka amaĩrã, ahesha pente altarpe pente ñee mbyparahava heiva: “Pente Tũpa kuaambava”. Hoka pikuambava pemombai vasu pyreva, hai rãnga ambeupe.

Romano 1:24

Hãme rãnga Tũpa hejashu reta porãmba haire pyape ẽvã, pyape mbijetava raha hetepe mbai pyrỹmymarãkava.

Romano 1:26

Hãme rãnga, Tũpa hejashu reta haire potava pyrỹmymarãkavape, ñukuña retave ñateỹ iko hãndi kuimbaire, koñeĩ pota iko hãndi yngava taupere.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

Galatas 4:8

Arykai, ndeiteri pikuaa Tũpaperã, Tũpa ha'ãngare mba'etyva haykue pijokuekapi.

Efesios 2:12

Hoka arape pee pime arykai Cristombape hareka ha'eãvaĩjype Israelita ryhevare, Tũpa ĩñee meẽ vekua pindipityãpe hareka hai hei vekua meẽ verã. Piko mbaimba pyhãrõva hareka Tũpambape yvy'ĩãrẽ.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

1 Pedro 4:3

Yteñoma arykai vekua rãĩmipi jyrojambare japovape, porãmba jaipykuavape, mbai potakuepe, ka'u hareka karuvasu ñymyngyapyvare, hareka javaite õmombai reta ta'angarei vekuare.