1 Tesalonicenses 4:4 - NandevaBiblia

⁴ pepenteĩ tĩngarekohe hete, heko kyambape hareka mbyvetevape.

1 Tesalonicenses 4:4 ပူးပေါင်းရင်းမြစ်များ

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 1:24

Hãme rãnga Tũpa hejashu reta porãmba haire pyape ẽvã, pyape mbijetava raha hetepe mbai pyrỹmymarãkava.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Romano 6:19

Aijeta kuaretare ijetava rãĩmi, shara pee kuaretare pevarã javaipe pikuaa verã. Kyrã, aryka'e pymeẽva rãĩmi pyndyrete mbai kya vekuape hareka teko kavimbape pijapo verã porãmbava, ã'ẽ pymeẽ pyndyrete pokueha verã tykove kavivape hareka kyamba.

1 Corintios 6:15

Pikuããra pyndyrete haiva Cristo hete ryheva? Ahekyraposhi Cristo hete ryheva ãñonohẽ verã taupe heko porãmba hetere? Mba'ety!

1 Corintios 7:2

Tẽvã heta'ẽ kyrãrãĩ'ia retarã, haikavivepo kuimbai hyrekoĩ ĩmererã, hareka taupe ĩme hãndiipo iko.

1 Corintios 7:9

Tẽvã katuã ijijokorã timeĩ tyhekajy ñi'ĩrũrã, shara haikavive ñañimi'ĩrũjy, mahẽ ñanykyrẽ'ỹkue porãã ñandapokui.

2 Corintios 4:7

Tẽvã rekoha kova mbai hepyva rãĩmi, pente mbai hyru tujuivi japoa vekuapy, ijyhesha verã mbaikatukue ojaimbava haiva Tũpa ña'ãpova, haimba ore yrã'ãpova.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

1 Pedro 3:7

Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.