1 Tesalonicenses 2:9 - NandevaBiblia

⁹ Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Tesalonicenses 2:9 ပူးပေါင်းရင်းမြစ်များ

Lucas 18:7

Hãmera Tũpa hepyãpojyve jyrojahea, jurureñoĩ'ishuare ara hareka pyharekue? Kỹỹrapo hãrõshu mbory verã?

Lucas 2:37

tẽvã japoma 84 ãño ĩme manoshia. Õhẽmbava tũpao vi, ara hareka pyhare karumbava, ñymbo'e Tũpape õmombairã.

Hechos 18:3

hãrã haire japojyre oo mondehaivi japoava, pyta haipe mba'apo hãndi verãre.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

1 Corintios 4:12

yrỹkangy mba'apohate'i irijuperã. Porãmba ijeta oreva, ohovasahaĩshu, yrỹmoñahate'ia, mba'ẽã he'iha.

1 Corintios 9:15

Tẽvã mapeã kyrã ajaposhe hokava pynymbytepe, ha'ẽãvaĩjy kova mbai kyrã japoa shyrehe verã. Haikavive rãngapo she ãmanorã, ndei he'ia shyrehe kova Ñee kaviva ambeu'airã mbyhepyhasheva!

1 Corintios 9:18

Hãrã she apityva hai meẽsheva vy'a hareka ambeu'ai Ñee kaviva mbyhepyambashevape, ajemaĩ ẽẽtesheva.

1 Corintios 9:4

Orera katuã karuha hareka ñymby'uha?

2 Corintios 11:27

heta porãã ahasa amba'aporã hareka shykangyrã, ache kavimbape, ñymbahy hareka uhe, akarumbape, ro'ype hareka mba'ety ãmondevape;

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

2 Corintios 6:5

urũnupãhãvape hareka ỹrỹmbyperesoavape, ñymomohẽ vasuvape, pohy mba'apoavape, ochehambape hareka irĩmbahyvape,

Filipenses 4:16

Shara aĩmeteri'ãĩ Macedoniaperã, pee hetajy pyrahaka she aikotẽverã pevarã.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

1 Tesalonicenses 2:6

Mapeã hekaha orẽmomba'eha verã, pyndyhevi maĩrã yngava retaivi, ajemaĩ ore Cristo jokuevare õĩtẽ jururehape verã yrỹmborypi verã, tẽvã japohãã.

1 Tesalonicenses 3:10

Arape hareka pyharekue jurureha Tũpape pyndyreshahajy verã pynymboryhahe verã pirojakuepe mba'etypeva.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

1 Timoteo 4:10

Ha'erãveĩ rãnga ñamba'apo hareka ñañehãã ñandijehe he'iha'i ñandeape, shara jairojahe Tũpa hykove'ia, hai hokava opava retape mondojepe verã, tynondeite'ẽ opaite jyrojaheare.

1 Timoteo 5:5

Taupe ĩme manoshia ãñete hã'ẽĩ pytava hãrõ Tũpa, jurureshu mbory verã arape hareka pyharekue.

2 Timoteo 1:3

Shymandua ndyrehe arape hareka pyharekue aimboirã, ameẽ shy'ajetekue Tũpape, ahahe pya kyamba ryheve, shytynondevare japova rãĩmi.