9 Tantapẽĩ pirojakuepy, shara pikuaa opaite yvy jerekuepy pee rãĩmi jyrojavare hasa'asy ñynoĩ jyve reta.
Tẽvã airureshuje Tũpa, potãã nykangy rirojakueperã. Hãrã opama hasa mbai pohyvarã, mykyrẽyjyshukui ni'ĩrũre jyrojanõĩ shyrehe verãre.
Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.
Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.
Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.
Avy pymeẽshu Ãña ẽẽ verã pyndyrykovepe.
Opa kova ĩãrẽ, pirojakue Tũpare pindijochashi ijochahasepya rãĩmi mbove verã heta hendyva ãña ñyvãka.
She teiva ãĩmembate'aĩ penendieva, shẽã rupii ãĩme penendie, hareka avy'a aikuaa hekope kavi pimepẽĩrã hareka Cristo pirojahevape pynypyrãtapẽĩrã.
potãã peeva hasa'asy ẽrã poi jyrojarã. Shara pikuaa kavi kyrãñoĩ jahasa verãrã.
Ñyrãrõ kavi rirojakuepy; ñimbi'ijahe tykove opamba verã, ha'erã rãnga Tũpa nyrẽnomba aryka'e hareka hetavare hỹnonde rỹmbeu rirojava Tũpare.
Kyrãpo moñahare jyvekui opaite pota raha ijeheva tykove pyryparekova Cristo Jesús rehe.
She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.
haire jyroja rupii jepyhe reta tentavasure, ñimbivachepe japo reta hareka hipity reta mbe'uava; java juru mbotyshi reta,
Tẽvã Tũpa punupaãrã, opaite tayre japoheva rãĩmi, hãma pee ha'eã ta'yite, koñeĩ rã'angaĩpo.
Piñyñono Tũpa ipope, tanta piñyñonoshi Ãña, hãrã hai ñyvãhẽpo pyndyhevi.
Hãme rãnga pee pynytynyhẽpo vya, katu sapy'aiteĩ heta pyhasa'asy.
Shara ha'erãmba pynyrẽnoha; Cristo heta hasa'asy pyndyrehe, heshakape marãrapo pypyrõ peho jyve hakuerepy.
Tẽvã pyvy'apo pyhasa'asypi mbai hekope kavi'õ pijapopirã, hãma avy pykyjeshi reta hareka pynymyngyje,
Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.
She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.
Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi,
She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.