1 Pedro 5:5 - NandevaBiblia

⁵ Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

1 Pedro 5:5 ပူးပေါင်းရင်းမြစ်များ

Lucas 22:26

Tẽvã pee ha'ẽã kyrãpi verã; hãrã vateve'õ pynymbytepe taykueva rãĩmi tiko, hãrã mbai miñaka'õ tiko pyrỹmbory'ia rãĩmi.

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

Efesios 5:21

Pijapo kavi pijehe Cristo jyhaihukue rupii.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

1 Timoteo 5:1

Avy ñyngãtashu kuimbai kuakuamava, nderu rãĩmipo rỹmbarakuaa, hareka kunumire ndyryvyre rãĩmiporyre;

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

Santiago 4:6

Tẽvã Tũpa hetave ñanymbory pya kavikue ryheve. Hãme hei: Tũpa ñymytãtãshi jyroja ijehevare, tẽvã pyakavishu oñemomishĩvare.

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

1 Pedro 4:1

Cristo rãnga hasa'asy ñandyrehe hetepe, hãrã kyrãĩpo peĩ kavi jyve pyhasa'asy verã; shara hetepe hasa'asy vekua, mby'opa mbai porãmba vekuare,

1 Pedro 4:5

Tẽvã haire ñymbeupo Tũpape, ñymyhẽvã'õ mbivache verã ĩmeĩteri'iare hareka mano vekua retape.