1 Pedro 5:10 - NandevaBiblia

¹⁰ Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Pedro 5:10 ပူးပေါင်းရင်းမြစ်များ

Lucas 22:32

Tẽvã airureshuje Tũpa, potãã nykangy rirojakueperã. Hãrã opama hasa mbai pohyvarã, mykyrẽyjyshukui ni'ĩrũre jyrojanõĩ shyrehe verãre.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Romano 15:5

Tũpa meẽva ñyhãrõ hareka pya kaviva, pynymbory pepenteĩ piko kavi ijupii verã, Cristo Jesús iko vekua rãĩmi,

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Romano 9:11

Hareka ndei oa retarã, nde'iave japo reta mbai haikaviva maĩrã porãmbavarã, hareka Tũpa potava ẽẽ verã hai pyhỹrõva rãĩmi hareka ẽãhe kuareta japova, koñeĩ hẽnoãva rupii.

Romano 9:24

Kyrã Tũpa ñanyrẽno arykai Judiovare mbyteivi hareka haimba Judiovare.

1 Corintios 1:10

Shyryvyre airurepe, Ñandeja Jesucristo heepe piko verã pente ñeepe hareka avy pijeshatãpi. Kyrãtẽverã, piko pente ñeepe hareka pente pyape.

1 Corintios 1:9

Tũpa rãnga sareãhe hai ĩñee meẽva, hai pynyrẽno peii piko hãndi verã pente ñeepe Tay Jesucristo, Ñandeja.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

Filipenses 4:13

Opa mbai katu ajapo Cristo rupii, hai shymypỹrãtase'ia.

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

2 Tesalonicenses 2:14

Ha'ẽrã kova Tũpa pynyrẽno Ñee Kaviva rupii ñande ñambeuva, ñaĩ verã jyve Ñandeja Jesucristo ñymbaikatukue hareka hĩmbipekuepe.

2 Tesalonicenses 2:17

tymeẽpe kyrẽ'ỹ hareka pyrãta, pere hareka pijapo verã haikaviva.

2 Tesalonicenses 3:3

Tẽvã Ñandeja hekokavi, hai ñyngareko pyndyrehe verã opaite mbai porãmbaivi, shara hai opañoĩpo japo heiva.

1 Timoteo 6:12

Ñyrãrõ kavi rirojakuepy; ñimbi'ijahe tykove opamba verã, ha'erã rãnga Tũpa nyrẽnomba aryka'e hareka hetavare hỹnonde rỹmbeu rirojava Tũpare.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Hebreos 9:15

Hãme rãnga Cristo hai ñee me'ẽã py'ahuva, henohavare myvãhẽva me'ẽãshu verãre Tũpa mbeu vekua ñee opamba ryheva, ã'ẽ hai manoma mbyhepy ñandyrehe ñanynohẽãjy verã opa mbai porãmba jajapo vekua tynonde ñee me'ẽã vekuape.

1 Pedro 1:15

Ã'ẽ pikopo heko kyambape, Tũpa rãĩmi heko kyambava pynyrẽnova.

1 Pedro 4:10

Tũpa meẽpe espiritu ryheva mbai kuaakue pijapo verã. Pipory kavi jyvehe yngavare Tũpa pyakavikue ẽvã rãĩmi.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

1 Juan 2:25

Kova hai hei vekua meẽ ñande verã, tykove opambava.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.