1 Pedro 3:14 - NandevaBiblia

¹⁴ Tẽvã pyvy'apo pyhasa'asypi mbai hekope kavi'õ pijapopirã, hãma avy pykyjeshi reta hareka pynymyngyje,

1 Pedro 3:14 ပူးပေါင်းရင်းမြစ်များ

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Mateo 10:31

Avypo pykyje, shara pee mbai vasuveshi vyramire hetava.

Mateo 10:39

Hãrã hykove haihuva, hekyhaposhi, Shyrehe jyrojava hareka hykove haihumbava, hipitypo tykove opamba.

Mateo 16:25

Shara hykove pota mondojepeva, õñehundipo; katynga shyreepe manova, iko pukupokui.

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

Marcos 10:29

Jesús heishu: Añeteĩteva hai pee, ĩme'ẽ shyrehevape hareka Ñee kaviva rehe hejava hoo, tyvy, hiindy, tuu, ishy, hyreko, tayre maĩrã jy'yvy.

Marcos 8:35

Shara hykove potaĩ mondojepe'ia, ha'eipo jyvarejyhekui. Tẽvã hykove meẽ shyreheva hareka Ñee kaviva rehe, ohojepepokui.

Juan 14:1

Avy pejepy'apy, pirojahe Tũpa hareka piroja jyve shyrehe.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Hechos 9:16

She ambyheshakapo heta hasa'asy verã shyreepe jyrojarã.

2 Corintios 12:10

Hareka she avy'a shypyrãtamba vekuape, opa mbai he'ihasheape, mbai mba'etysheape, pu'ã shyrehevape hareka opa mbai jyhasa'asy ahasa Cristo rehe. Shara shykangyvape ãñandu shypyrãtave.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

Santiago 5:11

Ĩmejare vy'avare hasa'asyvape, pyhendu jyveshi Job hãrõ kaviva hareka pyhesha koñyma Ñandeja meẽshua, hareka kova heshaka Ñandeja hai pyryparekovarã.

1 Pedro 3:6

Kyrãmba Sara ñee hendushu Abraham, hãrã henorã heimbashu “sheja”. Hareka pee hai memby kuñare, kyjembape pemere japotẽ verã.