1 Pedro 2:25 - NandevaBiblia

²⁵ Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

1 Pedro 2:25 ပူးပေါင်းရင်းမြစ်များ

Mateo 18:12

Mãrãra pereshu? Pente kuareta ĩmere 100 avisharã, kañyshi pentevarã, hejarapo 99 õ yvyturusu kyty ĩrũre hãrã oho hekajy pente kañyshia?

Mateo 9:36

Jesús maĩhe kuareta retarã, parekoshu reta, shara haire kangyrã opa ipy reta, avishare ijamba rãĩmi jyre.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Hebreos 5:2

Pa'irã'õ katu hãrõkuaashu pirĩmbijiche'iare hareka mbai porãmba japo'iare, shara hete kangy jyve yngavare rãĩmi,

1 Pedro 3:20

Haire ñee henduã reta aryka'e, Noé ikoteri'irã, Tũpa ñyhãrõkuaa ryhevepe hãrõtẽva, japohateri'ẽ varko vasurã. Koñeĩ 8 kuareta ohojepe yy rupii.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.