1 Pedro 2:15 - NandevaBiblia

¹⁵ Shara kova hai Tũpa potava: Mbai kavivaĩpo pijapo, kuareta mbaimba kuaava hareka mbaimba kuavare mba'etyre verã hei pyndyrehe verã.

1 Pedro 2:15 ပူးပေါင်းရင်းမြစ်များ

Mateo 25:2

Ko kuñatãi mbytepe 5 ẽẽ kuamba ijupeare hãma 5 ĩrũre kua'ihaivare.

Mateo 7:26

Hãrã opaite henduva ko shiñee, tẽvã japoãrã, ova ko kuimbai mbaimba kuava hoorã mupuã vekua yvyku'i ĩãrẽ.

Romano 1:21

Shara ajemaĩ kuaatẽ reta Tũpa, tẽvã õmomba'ẽãshu reta Tũpa rãĩmi hareka jy ajetekueĩmba meẽshuare. Kyrãtẽ verã õñepyrõ pya mbijetahe reta ñee mbaimba vekua Tũpa rehe hareka pya mbaimba kuava tynyhẽ pyntukue.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

1 Tesalonicenses 4:3

Shara Tũpa potava hai tykove kyambava, hareka avypo mbava javasa'i,

1 Tesalonicenses 5:18

Pymeẽshu Tũpa pyndy'ajetekue opa mba'ere, hokava rãnga hai pota pyndyheviva, pee pyrojava Jesucristo.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

Tito 2:8

pyrỹmbo'eahea kapyryva rupii, mbavamba porãmba hei verã. Kyrãrãpo, ñymbyvaisho ndyreheva ñymymarãkakui, vãhẽãposhu porãmba hei ñandyrehe verãre.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

1 Pedro 3:17

Tũpa kyrã potarã, haikavive jahasa'asyhe mbaikavi jajaporã, porãmba jajapotẽ verã vekuaivi.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

2 Pedro 2:12

Tẽvã kova kuaretare jahehe mbai kuaa kavimba vekuare; mymba rãĩmi jyre, oarã pysyha hareka jukaha reta, hãrã jyvareapohe porãmba japova rehe.

Judas 1:10

Tẽvã kova kuaretare kuaakavimba retaave ijeta porãhe. Haire mymba rãĩmi jyre, opa mbai kuaa tẽvã kuaakaviã retarã ha'eire jyvare ijehe.