1 Pedro 1:25 - NandevaBiblia

²⁵ Tẽvã Ñandeja ĩñee hai opa ara pevarã, hãrã kova hai ñee py'ahu mbe'uhapeva.

1 Pedro 1:25 ပူးပေါင်းရင်းမြစ်များ

Mateo 5:18

Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Lucas 16:17

Javaĩãvepo opa ara vate'õ hareka yvy, Moisés mbypara vekua ikomba verãĩvi.

Juan 1:1

Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

1 Corintios 2:2

Hãrã ãĩme'ãĩ pynymbyteperã, koñeĩ aijetahe Jesucristo ryheva, jaishu, manorã vekua kurusure.

Efesios 2:17

Cristo rãnga oumba mbeu ñee haikaviva veruva pya kavi opava retape, pee pevarã Judiombavare mbyry pẽĩva Tũpaivi, hareka Judiovare mbyrymba'ẽshiare Tũpa.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Tito 1:3

Hãrã jy'arape kavipo pyrymbykuaaka ĩñee, Tũpa ñanymondojepe'ia heishe vekua ambeu verã.

Hebreos 6:5

hareka pya ohohe vekuare Tũpa ĩñee haikaviva hareka mbaikatukuere yvy'ĩãrẽ ou verã ryheva,

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

1 Pedro 2:2

Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

2 Pedro 1:19

Kyrã rekoha hokava ñee Tũpa ĩñee mbeu'iare mbeu vekua, pyrãtakavi'õ hareka haikavipo pijasaka kaviherã. Kova hai mbai sapekava rãĩmi pyntuape sapeva, kõĩma ourãpeve hareka jasytata koĩ kyty jykuava õhẽpeve sape verã pyndypyape.

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

Apocalipsis 14:6

Hareka aheshajy ynga Tũpa jokueva veve'ia ara vate'õ mbyteipi, ĩmereva opa ara Ñee Kaviva mbeu verã ko opaite tenta vasu retape, opaite ñymoñashia retape, opaite tiñeere hareka ñymoñavare hareka ĩñeevare hareka henta'õre.