3 Kyrã aijetashu ijeta'i shyrehevare.
Pyrahaha Judiore ñymbatyseape, karai vasure hareka mburuvishare hỹnonderã, avy pejepy'apy marãrapo hareka mbaivara perepo pymaĩ hỹnonde verã;
Terure hareka tyryvyre, pyhendu ko hai shijeheva.
She haipe haishu Romape mburuvisharã'õre jypykuava rãĩmi, jukãã mbavape mbivachehakambashuva mbai mbeuva hãndi, hareka ijetarãni ijehevape.
Ĩme'ẽ hei ijeheva haiva Tũpa ĩñee mbeu'iarã, maĩrã heiva Espiritu ñonova ñakapy hei verã, kuaapo jyve kova ambyparapeva hai ñeẽ japoa verã Ñandeja ña'ãpova.
Yngavare pevarã ha'ẽãshe apostolrã, pee pevarã she hai, pee pyrojava añimiñeerã ambeuva pyheshaka she haiva Ñandeja jy'apostol.
Orera katuã karuha hareka ñymby'uha?
Hãme rãnga, ambyparape kova ndei aha apyryresharã, potãã ahamarã apory mbaikatu Tũpa meẽshevarã pohyite aijetaperã, ha'ẽã opa apyrỹmbai verã, koñeĩ apurũmupũã verãĩ.
Shara pota pikuaa shyhevi ãñetera Cristo she rupii ijeta. Pee pevarã kangyã hai, koñeĩ heshaka jyve ñymbaikatukue pynymbytepe.
Pymaĩ kavi pindijehe pikuaa verã pynypyrãtara pẽĩ jyrojakuepe, pypya pimbijeta. Pijykuaarã Jesucristo ẽvã pyndypyape? Ajemapo pyndypya hã'ãha!
Tẽvã ĩme'ẽ Cristo ĩñee ryheva mbeuva Tũpa haihurã, shara kuaa reta Tũpa shiñono kope amaĩ ĩãrẽ verã Ñee kaviva.
Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.
Tynondeite aijeta shijehe huvishare hỹnonderã, mba'ety shichere ẽvã; opaite shyreja reta. Airureshu Tũpa potambaa jahehe verã hokava rehe.
