1 Corintios 6:19 - NandevaBiblia

¹⁹ Pikuããra pyndyrete haiva Espiritu Santo hoo, hai ẽẽ pyndypy, Tũpa meẽpeva? Hãrã pyndyrete haiveãma pa'ãpova.

1 Corintios 6:19 ပူးပေါင်းရင်းမြစ်များ

Juan 2:21

Tẽvã tũpao Jesús ijetahea hai, ha'i hete.

Romano 8:9

Tẽvã pee pikoveama pyndyrete potavape, koñeĩ Espiritu potavaima, ĩmepyre Espiritu Tũpa ryhevarã, tẽvã ĩme'ẽ mba'etyreva Espiritu Cristo ryhevarã, ha'eã hai ña'ãpova.

1 Corintios 3:16

Pikuãra pee haiva Tũpa jytũpao, hareka Espiritu Santo ikova pyndypyape?

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

1 Corintios 6:3

Pikuããra Tũpa jokueva retavepo ñande ñambivacherãme? Ñopỹĩñoara hai ko tykovepe'õ!

2 Corintios 5:15

Cristo rãnga opava retare mano, ĩmeteri'iare ikoveãma verã hai pevarãĩ, koñeĩ ikoma verã manohe vekua hareka kuerajy vekua pevarãĩ.

2 Corintios 6:16

Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Santiago 4:5

Pyrojããra Mbyparahavape heiva? “Tũpa haihu Espiritu ñandypyape ñonova”.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.