1 Corintios 6:13 - NandevaBiblia

¹³ He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

1 Corintios 6:13 ပူးပေါင်းရင်းမြစ်များ

Mateo 15:17

Pikuããra opa mbai icheva ñandijuruipi oho ñandyretepy, haivi õhẽjy ñandyreteivi?

Mateo 15:20

Kova hai ñanymyngyava, tẽvã jaipohemba jakaru verã japohasea rãĩmi, mbavããpo myngyã.

Marcos 7:19

Shara icheã pyape, hyepẽĩ vãhẽrã haivĩma õhẽjyshi. Kyrã Jesús heirã he'isema opaite ho'uavare kyambava.

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Juan 6:49

Pynytynondevare houmbajyre mana yvy ikoambaipi, tẽvã opa mano reta.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Romano 6:12

Hãme rãnga ỹteñomapo pyma'ẽĩhe pijapokashu porãmbava tyrete potava.

Romano 7:4

Kyrãĩ jyvepe shyryvyre, Cristo ñymano rupii pẽĩveamahe Moisés mbypara vekua, ã'ẽ pẽĩma Cristo hãndi, hokava hai Tũpa mupuãjy vekua manovare mbyteivi. Kyrãpo heta mbaikavi jajapo Tũpa pevarã.

1 Corintios 3:16

Pikuãra pee haiva Tũpa jytũpao, hareka Espiritu Santo ikova pyndypyape?

1 Corintios 6:15

Pikuããra pyndyrete haiva Cristo hete ryheva? Ahekyraposhi Cristo hete ryheva ãñonohẽ verã taupe heko porãmba hetere? Mba'ety!

1 Corintios 6:19

Pikuããra pyndyrete haiva Espiritu Santo hoo, hai ẽẽ pyndypy, Tũpa meẽpeva? Hãrã pyndyrete haiveãma pa'ãpova.

2 Corintios 11:2

Shykateỹ rãnga pyndyrehe, shara kova Tũpaivi ourã; she rãnga pota apyrỹmbyrekoka, pente kuñataĩ pokoambaterihea rãĩmi, pentevaĩ pemerã verã, hokava hai Jesucristo.

2 Corintios 5:15

Cristo rãnga opava retare mano, ĩmeteri'iare ikoveãma verã hai pevarãĩ, koñeĩ ikoma verã manohe vekua hareka kuerajy vekua pevarãĩ.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Efesios 5:23

Hãma teme reta hai tyrekore ñakã, Cristo hai ñakã tũpaore rãĩmi. Cristo rãnga jyve hoka tũpaore mondojepe verã, hokava tũpaore hai hete;