1 Corintios 4:17 - NandevaBiblia

¹⁷ Hãme rãnga amondo Timoteo, shyray ahaihuva hareka jyrojaheva Ñandeja. Haipo pynymymandu'akahekui marãra aiko Ñandeja Jesucristo airojaherã, apyrỹmboiva rãĩmi oparupi hareka Tũpare jyrojavare ñymbatyva retaipi.

1 Corintios 4:17 ပူးပေါင်းရင်းမြစ်များ

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 25:23

Pyrokue'ia heishu: “Haikavite, nde hai jokuehareirea pya kaviva hareka japumbaa; shara rĩngareko kavihe mĩshĩĩ ameẽndeva hãrã hetavepo ameẽjynde, iche vya shendie”.

Hechos 16:1

Pablo vãhẽ oho Derbe hareka Listraperã haipe hesha pente mbo'eharea, Timoteo he'iashua, pente taupe Judiova memby ko taupe jyrojava jyve Jesús Cristore, tẽvã tuu hai Greciape'õ.

1 Corintios 11:16

Hãma ĩme'ẽ kova mbai pya'ohombahearã, pikuaapo jyve ore Tũpa jyrojahevare mba'ety rekoha ynga ñymbatysea retaipi jypykuaahava rãĩmi.

1 Corintios 11:2

Shyryvyre shymbyvy'a shara pee pynymandua shyrehe hareka pijapo ñee apyrỹmboiheva.

1 Corintios 11:34

Ĩme'ẽ ñymbahy'iarã, tykaru hentape, mahẽ Tũpa nupakui kyrãva ñymbatyva rehe. Yngava maĩnungare opapo ãñono kavikui aha pẽĩvaperã.

1 Corintios 14:33

Shara Tũpa ha'ẽãhai Tũpa opa ñymomohẽvã ryheva, pyavapyva ryheva rãnga hai. Kyrã japo opaite Jesure jyrojavare ñymbatyvaipi.

1 Corintios 16:1

Ã'ẽ aipota aijetahepe kyrypoti mbatyhakava tyryvyre Cristo ryheva kyambare pevarã, pijapo jyve tũpao Galaciape'õre ajapokashua rãĩmi.

1 Corintios 16:10

Timoteo vãhẽma ohoperã piñyhãã tyvyakui pymbytepe, shara she rãĩmi hai mba'apo jyve Ñandejape.

1 Corintios 4:14

Ambyparaãpe kova apyrỹmymarãka verã, Apyrỹmboi verãĩ rãnga, shara shyrayre ahaihuva rãĩmi apyryraihu.

1 Corintios 4:15

Ĩmeãratẽpopyre 10.000 kuaretare pynymboihe verã mbai Cristo ryheva, teru rãnga heta'ẽ mba'etyreva. She hai teru pee pevarã, shara ambeupe Ñee kaviva ryheva.

1 Corintios 4:2

Hãrã ĩme'ẽ japo verã me'ẽãshuarã, tyheshaka marãra katu jyrojahahe.

1 Corintios 7:17

Kyrãtẽ verã pepenteĩ Ñandeja memeẽshuare rãĩmi, hareka Tũpa hẽnova rãĩmi, kyrã tijapo; kyrã japo opaite tũpao retaipi.

1 Corintios 7:25

Taupe omendambaterivare mba'ety'are japoha verã Tũpa ryheva ambeushu verãre, tẽvã haiposhu reta, hareka katu piroja shyrehe, Ñandeja meẽshe shyparekorã jyrojaha shyrehe verã.

2 Corintios 8:18

Mondoha hãndi yngava ñandyryvy hyrãkua kaviva opaite tũpao retaipirã rehe hareka haikavite mbeu Ñee kaviva ryhevarã.

Efesios 6:21

Tikiko, shyryvy ahaihuva hareka ñanymbory kaviñoĩ'iva mba'apope Tũpa pevarã, opaitepo mbykuaaka marãrate ãĩme ãĩ hareka mbaivara ajapo.

Filipenses 2:19

Ãhãrõ'ãĩ Ñandeja amondo verã Timoteo, avya verã aikuama pyhevi marãra piko.

Filipenses 2:22

Tẽvã pee pikuaama marãra haikavi Timoteo heko, hareka shyray rãĩmi shymbory ambeu verã Ñee kaviva.

Colosenses 1:7

Kyrã rãnga pynymboi Epafras, mba'apoha'i hãndiva haihuhava, hai rãnga jyroja kaviva; Cristo jokueva opaite pee pevarã.

Colosenses 4:9

Oho jyve hãndi Onésimo ñandyryvy jahaihuva, hareka hai pyndyryheva jyve; hai retapo opa mbeupekui mbaivara iko koipi.

1 Timoteo 1:18

Nde Timoteo, shyray, aheja nde kova rijapo verã iko verã he'ia ndyrehe vekua rãĩmi Tũpa heepe, hekope kavi rĩrãrõhe verã, rirojakuepe hareka pya kyamba ryheve,

1 Timoteo 1:2

ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

2 Timoteo 1:2

Marãndushu Timoteo shyray ahaihuva. Tũpa hareka Ñandeja Jesucristo tiñohẽ ndyrehe ñymbai kavikue, jyparekokue hareka tymeẽ nde pyavapy.

2 Timoteo 2:2

Hãrã nde rỹhendu shyhevi hetavare hỹnonde, mbe'uka jyveshu kuaretare ryrojakatuva, katu mboishu verã jyve yngava hapishare.

2 Timoteo 3:10

Tẽvã nde Timoteo, rikuakavi apyrỹmboihea, aikova rãĩmi, mbai pota ajapova rãĩmi, airojakue, jyhaihukue hareka ñyhãrõkuaa, pyrãtãkue ajepyhe verã porãmba vekua,

Tito 1:5

Hokava rehe aryreja Cretape, opa rỹmyhenda kavi hareka ryhekapyrã hareka rĩñono verã tũpaope miñaka'õ tentare ẽvãipi, she haindeva rãĩmi.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.