1 Corintios 4:10 - NandevaBiblia

¹⁰ Cristo heiva japohashurã rãnga kuaretare hei yryrehe mbaimba kuaahava. Tẽvã Cristo rupii hei pyndyrehe reta heta mbai pikuaava. Ore rãnga ỹrỹpyrãtãã, tẽvã pee pynypyrãtã. Pee rãnga pyndyraihuha, tẽvã ore yryreshatãã reta.

1 Corintios 4:10 ပူးပေါင်းရင်းမြစ်များ

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Mateo 5:11

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

Lucas 10:16

Hãma pynyrẽnduva, she shyrẽndu jyve; hãrã pinimbijicheva, shimbijiche jyve; hareka shimbijicheva, mbijiche jyve shymbou vekua.

Lucas 18:9

Jesús mbeujyshu ko ñee ñymyhã'ãnga a'ãmore jyroja'i ijeheva pevarã, moãtẽ heko kavirã mymorã'i hapishare:

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Hechos 17:32

Hãma henduma reta manova kuerajya ryhevarã, ĩme'ẽ ñymbyhoryheare, tẽvã ĩme'ẽjy heishuva: Nyrẽnduhaipojykui ĩrũ arape hokava ryheva.

Hechos 26:24

Kova mbai opa hei ijehe Pablorã, Festo sapuke: Rikuakuãã rãngari Pablo! Ny'ãranduiterã, nymbykuakuama'i!

Hechos 9:16

She ambyheshakapo heta hasa'asy verã shyreepe jyrojarã.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

1 Corintios 1:25

Tũpa ryheva hãĩtẽ mbaimba vekuava, haikaviteveshi kuaretare ñymbaikuaakue. Tũpa ryheva pyrãtambava rãĩmitẽvã, pyrãtãĩteveshi kuaretare.

1 Corintios 10:12

Hãma rojava hai pyrãta kavima'õva, tirykyje katu mahẽ oajykui.

1 Corintios 2:14

Hãma Espiritu Tũpaivi ouva mba'etyrea, ñatẽy hendu Espiritu ryheva, hãrã hai pevarã heihe mbaimba vekua, hareka kuããvãĩjy, shara mba'etyre Espiritu Tũpaivi ouva.

1 Corintios 2:3

She rãnga pynynondema'ãĩrã shypyrãtãã, akyje hareka opa aryry.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

1 Corintios 3:2

Hãrã javai'ova apyrỹmbo'ẽãhe, javaimbaveĩ ambeupe, shara pyndy'ova sanjaymi kambyĩteri mbyho'uhakava, ha'ẽãjy ho'uava tantava. Hokape katuãteri pikuaa mbai javai'ova, kyrãteripi ã'ẽpeve,

1 Corintios 4:8

Ã'ẽ opama ĩmepyre pipotavare! Pimoara pikokatuma! Pimoara huvishare rãĩmimapi, pikotẽvemba yryreheva rãĩmi! Ãñeteĩtetena huvisharãpi, ha'ẽrã ikoha verã jyve penendie!

2 Corintios 10:10

Ĩme'ẽ heiva shy kuatiape pohyite hareka mbaretepeite aijetava, tẽvã sheteiva aijetarã shypya vasuã hareka shiñee mba'erãã.

2 Corintios 11:19

Pee rãnga hetaite mbai pikuaarã, vy'ape pyhendushu kuakuamba'iare.

2 Corintios 11:29

Ĩme'ẽ ñymbairasyvarã, shymbairasyĩ jyve; tẽvã ĩme'ẽ hapisha mbai porãmbape ityvarã, shymarã hareka shyposhy.

2 Corintios 13:9

Hãme ore vy'ahaĩ ỹrỹkangyrã, hareka pee pynypyrãtarã; hareka ñymbo'eha pyndyrehe hekope kavi piko verã.

2 Corintios 4:12

Kyrã manokue mba'apo'ẽ yryrehe, hareka pee tykove mba'apo'ẽ pyndyrehe.

2 Corintios 6:8

Ãmope yrỹmbyveteha, hareka ãmope ajeteãshu reta, ãmope ijeta kavi yryrehe, hareka ãmope porã'ãĩte he'iajy yryrehe. Añetevate he'iava, he'iajy yryrehe mba'ety vekua mbe'uava.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.