1 Corintios 3:8 - NandevaBiblia

⁸ Hãrã ma'ẽty'ia hareka ñotyãva maky'ia, mba'ety vateve'õ, jyvacheĩ reta. Pepenteĩpo Tũpa meẽshu retakui japova hepykue.

1 Corintios 3:8 ပူးပေါင်းရင်းမြစ်များ

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Lucas 19:19

Mburuvisha vasu heishu: “Ndepope añonopo jyve 5 tentare”.

Romano 2:6

Shara Tũpa pepenteĩpo meẽshukui japo vekuare rupii.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

1 Corintios 3:14

Hãrã ĩme'ẽ oo japohava tatajepyãherã, me'ẽãposhukui japova hepykue.

1 Corintios 3:7

Hãme rãnga, ñoty'ia hareka maky'ia mba'ẽã hai reta, koñeĩ Tũpa hai opa japova shara mupũã ñotyãva.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

1 Corintios 4:15

Ĩmeãratẽpopyre 10.000 kuaretare pynymboihe verã mbai Cristo ryheva, teru rãnga heta'ẽ mba'etyreva. She hai teru pee pevarã, shara ambeupe Ñee kaviva ryheva.

1 Corintios 9:7

Ĩmera'ẽ syndaro jykyrypotivi karu'iva ijokuekateri'ẽrã? Mbavarapo uva rẽndaivi ho'uã i'akue? Mbavara avisha ñyngareko'ihea houmbashia ñykamby ñamirãme?

Galatas 6:4

Hãrã pepenteĩpo maĩ ijehe hykovere, ñandu ijehe iko hekope kavirã, ha'ẽãpo ñimbivachehe verã yngavare.

Galatas 6:5

Shara Tũpa hỹnonde pepenteĩpo japo, ha'ei japo verã.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.

2 Juan 1:8

Pingareko pindijeheshi reta avypo õñehundirei pyndyhevikui pijapova hepykue, mahẽ opakaviã mbyhepyapekui.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.

Apocalipsis 22:12

Jesús heijy: “Pingareko! Aijyserima! arupokui me'ẽãreiva pepenteĩ kuaretape ameẽ verã, haire japoa hepykue jururea rãĩmi.