1 Corintios 2:15 - NandevaBiblia

¹⁵ Hãrã Espiritu Tũpaivi ouva ĩmereva opa maĩkaviherã, kuaa kavi. Tẽvã Espiritu mba'etyreva katuã maĩkavihe, hareka ẽẽãshu kuaa verã.

1 Corintios 2:15 ပူးပေါင်းရင်းမြစ်များ

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Hechos 16:3

hãrã Pablo pota Timoteo oho hãndi ohovaipi. Tẽvã tynonde pire chĩchĩkashi, potãã Judiova haipi'iare poshy ñynoĩrã, shara haire kuaa kavi tuu Greciape'õrã.

1 Corintios 14:37

Ĩme'ẽ hei ijeheva haiva Tũpa ĩñee mbeu'iarã, maĩrã heiva Espiritu ñonova ñakapy hei verã, kuaapo jyve kova ambyparapeva hai ñeẽ japoa verã Ñandeja ña'ãpova.

1 Corintios 3:1

Shyryvyre, katuãny aijetape kuaretare kurimba jyrojavare rãĩmi, koñeĩ pyrãtambateriva hareka sanjaymire rãĩmi Cristo rehe.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

Filipenses 1:10

haikavivape piko verã, kyrãra pikopo pyndyreko kyambape hareka mba'etypo mbai porãmba he'ia pyndyrehe verã Cristo oujy verã jy'arape.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

1 Tesalonicenses 5:21

Oparãni pikuaakavi, hareka pymymbyta pijehe haikavivare.

Hebreos 5:14

Tẽvã ho'uava tantava hai opama syryvare pevarã, maĩ kavivare, shara heshakavima mbaivara haikavi hareka porãã.

1 Juan 2:20

Tẽvã Cristo Kyambava meẽpe Espiritu, hãme rãnga opaiteva pikuaa añeteva.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.