1 Corintios 2:13 - NandevaBiblia

¹³ Kova mbai jaijetahe ñee Espiritu ñanymboihea rãĩmi, ha'ẽã ñee kuaretare ñanymboihe vekua. Kyrã ñambeu kavi ñee Espiritu hai ryhevare.

1 Corintios 2:13 ပူးပေါင်းရင်းမြစ်များ

Lucas 12:12

shara haipevãĩpo Espiritu Santo pynymboihekui pere verã rãĩmi.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

1 Corintios 1:17

Shara Cristo shymondoã apyrỹmyngarai verã, koñeĩ Ñee kaviva ambeu verãĩ, ha'ẽã ñy'ãranduvare rãĩmi aikatu aijetarã, potãã Cristo kurusure manorã vekua pytareii mbaimbava rãĩmirã rãnga.

1 Corintios 14:2

Shara ñee yngavape ijetava, ijetããshu yngava kuaretare, koñeĩ Tũpa pevarãĩ. Shara mba'ety kuaashia, Espiritu Santo rupii ijetahe mbai ñemiãpe'õ.

1 Corintios 2:1

Shyryvyre, aha ambeupe Tũpa heshakavarã, aporyã ñee ãrandu ryheva, hareka potããvãĩ perejyshe heta mbai aikuaava.

1 Corintios 2:14

Hãma Espiritu Tũpaivi ouva mba'etyrea, ñatẽy hendu Espiritu ryheva, hãrã hai pevarã heihe mbaimba vekua, hareka kuããvãĩjy, shara mba'etyre Espiritu Tũpaivi ouva.

1 Corintios 2:4

Opa mbai aikuaava rãĩmiiã aha pynymbytepe, aporyã ñee javai'ova, shyrojapi verã. Koñeĩ ahejashu Espiritu Santo heshaka verã ñymbaikatukue,

1 Corintios 9:11

Ore ñotyhã pyndypyape Espiritu ryhevarã, hãmera katu'ãĩteipo hipityha jyve pyhevi ĩmepyreva ko yvy'ĩãrẽ?

Efesios 5:19

Pijeta ijupiirã pipory ñee ouva Salmovi, hareka heta mbyrahe Espiritu Santoivi ouva pyraheva tũpaope.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

2 Pedro 1:16

Shara pynymbo'ehãhe Ñandeja Jesucristo oujy verã opaite ñymbai katukue ryhevarã, ha'eã ñeereiva rupii yrỹmbaikuaa rupii nohẽãva, koñeĩ oreteiva yryresa rupii heshaha Jesucristo ñymbaikatu.