1 Corintios 16:13 - NandevaBiblia

¹³ Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.

1 Corintios 16:13 ပူးပေါင်းရင်းမြစ်များ

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Mateo 26:41

Pysareko rãngapo avy peche hareka pirure, mahẽ peakui mbai porãmbape. Aikuaa pynykyrẽytẽ mbai haikaviva pijaporã, tẽvã pyndyroo kãngy.

Lucas 21:36

Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

2 Corintios 1:24

Ha'ẽã pota ñimbi'ijahahe pirojakuerã, potaĩ rãnga pymboryha pyvya verã; shara pirojakue rupii tãnta pitasopeĩ.

Galatas 5:1

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Efesios 6:10

Piñymypyrãta katu Ñandeja ñymbaikatukuepy, symyĩgãtu pẽĩ verã ãña ouma pypeñã verãrã japukuepe.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 4:1

Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.

Filipenses 4:13

Opa mbai katu ajapo Cristo rupii, hai shymypỹrãtase'ia.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Colosenses 4:2

Pirure katu, pimoã ryheve hareka pymeẽ pyndy'ajetekue Tũpape.

1 Tesalonicenses 3:8

Kuaahama tãnta pirojahe Ñandejarã, ñanduhajy pyrãtakue ikohaĩteri'i verã.

1 Tesalonicenses 5:6

hãrã avy jache yngavare rãĩmi, jasareko hareka jaiko hekope kavi.

2 Tesalonicenses 2:15

Hãrã shyryvyre, pyrãtape peĩhe Tũpa hareka avy pyndysarehe apyrỹmboihe vekua, ñee rupii maĩrã mbyparahava rupii, myvãhẽhapeva.

1 Timoteo 6:12

Ñyrãrõ kavi rirojakuepy; ñimbi'ijahe tykove opamba verã, ha'erã rãnga Tũpa nyrẽnomba aryka'e hareka hetavare hỹnonde rỹmbeu rirojava Tũpare.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

2 Timoteo 4:7

She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

Apocalipsis 16:15

Pymaĩ, manarõ'ia rãĩmipo aijy. Vy'apo shy'ãrõ õva hareka mondea natuva, mahẽ nanitei vãhẽashukui hareka heshaha ñynoti.