1 Corintios 12:3 - NandevaBiblia

³ Hãme rãnga aipota pikuaa, mbaveãpo hei: “Toho Jesús Ãña kyty”, ãñete Tũpa Espiritu ryhevape ijetarã. Hareka katuã mbava heijy: “Jesús hai Ñandeja”, ãñete hai ijeta'ẽ Espiritu Santo ñymbaikatukuepyrã.

1 Corintios 12:3 ပူးပေါင်းရင်းမြစ်များ

Mateo 22:43

Haipe Jesús heishu reta: Marã'ĩrãra David Espiritu Santo rupii heishu: “Sheja”? David rãnga heimba:

Marcos 9:39

Tẽvã Jesús hei: Avy pijocha, mba'ety mbaikavi heshaha verã vateivi ouva japova shyreepe, ijeta porãmba'ijy shyrehe verã.

Juan 13:13

Pee rãnga shymbyheepi “Pyrỹmboi'ia” hareka “Sheja”, haikavi rãnga kyrã pererã, shara haishe.

Juan 13:14

Hãrã she, Pyrỹmboi'ia, hareka Peeja pepy ajoheperã. Kyrãpo pepenteĩ pijohe jyve pindijupe pepyre.

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Hechos 8:37

Felipe heishu: Ãñete ndypyaivive ryrojarã, katupo rijapo. Haipe Eunuco heishu: Aroja rãnga Jesús haiva Tũpa tay.

Romano 10:9

Nde rere ndijuruipi Jesús haiva Teja, hareka ndypyaivive ryroja Tũpa mynguerajyva manovare mbyteivirã, reojepepokui.

Romano 9:3

Shara shetei aipota jahea shyrehe, Cristo asyryshiape, shyryvyre ahaihurã hareka sheii shyrẽnta ĩrũre.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

1 Corintios 8:6

Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

2 Corintios 11:4

Shara ĩme'ẽ yngava Jesús ijetahepearã, haimba ore mbe'uhape vekuarã, maĩrã veruva yngava espiritu, pee ĩmepyreaivi, maĩrã yngava Ñee kaviva pee pymyvãhẽma vekuaivi. Hokavare pyhendu kavishu.

2 Corintios 3:5

Tẽvã ore õĩhãã oreii mbai japoha irijehe verã; Tũpa rãnga meẽ ore mbai katuha japoha verã.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

Apocalipsis 1:10

Ãĩme ãĩ Espiritupy Ñandeja jy'arape, hãrã ahendu shaykue pente ñee hỹnatuva, trompeta ipukue rãĩmiva,