1 Corintios 11:19 - NandevaBiblia

¹⁹ Ikoñoĩ rãngapo kyrãvã pynymbytepe, kuaaha verã mbara ãñete haikavi'ẽ Tũpa hỹnonde.

1 Corintios 11:19 ပူးပေါင်းရင်းမြစ်များ

Mateo 18:7

Ko yvy'ĩãrẽ mbai porãmbape pirirityva, japoãã Tũpa heiva. Shara ẽẽñoĩpo mbai porãmbava, tẽvã tengapokui kuareta mbai porãmba pirĩmbijapokava.

Lucas 17:1

Jesús heishu mboireare: Ĩmeñoĩpo'ẽ mbai porãmba japokashua kuaretare; tẽvã, tengapokui mbai porãmba japoka'ishua yngavare!

Lucas 2:35

Ãñete kyrãpo kuaahakui pepenteĩ pya mbijeta'iva. Hãrã nde Maria, kova ndyreko asypo kyse pukuva ndypyape kutuava rãĩmipokui.

Hechos 15:5

Tẽvã a'ãmo fariseo Jesús jyrojaheare, puã reta hareka hei reta: Ẽẽñoĩ rãnga ẽẽ pyreheva chĩchĩhaka verã hareka hekope kavi japoha verã Moisés mbypara vekua.

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Hechos 24:14

Tẽvã she aimbeupo, sherure ñu Tũpa rãnga amba'aposhu, ãĩme'ãĩ Tape Py'ahuape tẽvã haire heishu hekopemba'õ, shara aroja opa mbai Moisés mbypara vekua hareka Tũpa ĩñee mbeu'iare jykuatia.

Hechos 24:5

Vãhẽã rãngashu ko kuimbai mbairasykue rãĩmi, hareka oparupi opa mbijajao Judiore hareka haiteiva miñakashu nazareno ryhevare.

Hechos 26:5

Hai reta rãnga kuaakavi reta hãrã pota hei retarã katu hei. Shukunumirãvãĩ she hai fariseova hareka ñyngarekope kavi japoha jypykuaahava rãĩmi ore ohoahea.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

Hechos 5:17

Hãrã pai juhuvisha vasu hareka Saduseore ẽẽ hãndiva haipe opa heshatã'ãkue tynyhe reta.

1 Corintios 11:20

Kova opa porãmbapeĩva veruva hai, pimbatyrã haiveama Ñandeja jykaru ryheva.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

Galatas 5:20

ñymombai vasu yngava Tũpa, ñymbypaje, pyryraihuã, ijeshatã, ñyngareko hareka poshyrei'i, potañoi ha'epaite, ñyrãrõ, pirĩmbijao'i,

Tito 3:10

Ĩme'ẽ potaĩ pirĩmbijao'iarã, ñimiñeeshu pente maĩrã mokuejy; hãrã potãã nyrẽndurã rỹmohẽpo tũpaovi.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.