1 Corintios 10:14 - NandevaBiblia

¹⁴ Hãme rãnga shyryvyre ahaihuva, pysyryshi ta'ãnga õmombai'iare.

1 Corintios 10:14 ပူးပေါင်းရင်းမြစ်များ

Hechos 15:20

Koñeĩ ñambyparashu reta kuatia hareka jairureshu avy hou verãre soo ynga tentape'õ ñutũpare pevarã, avy iko verãre omendambape, avy tou reta mymba javokava hoo hareka huvy.

Romano 12:19

Shyryvyre ahaihuva, avy pyheka pijepyjyve mbai pijapo verã, koñeĩ pyhejapo Tũpa poshykue jahehe; shara Ñandeja hei Mbyparavape: Sha'ãpova hai ñymyngovia, sheepo ñunupape amyngovia.

1 Corintios 10:15

Aijetape heta mbai kuaavare rãĩmi, hãrã peiipo pypya pimbijetahe ko hai peeva haikavira, maĩrã, porããra.

1 Corintios 10:19

Ha'ẽã rãnga mbai vasuva ta'ãnga, maĩrã soo ta'ãngape me'ẽãva haikaviveva ynga soo retaivi.

1 Corintios 10:7

Hãrã avy pemombai ta'ãngape, haire japova rãĩmi, kuatiape mbyparahava heiva rãĩmi: “Hãrã tenta ijare vapy karu hareka mby'arete, haivi opa puã jyroky reta ñutũpa retape”.

1 Corintios 5:11

Aipota hai peeva rãnga kova; avy pihia hei ijeheva Cristo ryheva, tẽvã ĩmeĩ kyrãrãĩ'ia, kateỹva, ta'ãnga õmombai'ia, ñeeryheva, kauva maĩrã manarõ'ia. Kyrã'ia kuareta avy rãngapo pykaru hãndi.

2 Corintios 11:11

Marã'ĩrãra kyrã aijeta? Apyryhaihuarãra'e? Tũpa rãnga kuaa apyryhaihurã.

2 Corintios 12:15

She rãnga vy'a ryhevepo apory shijehekui kyrypoti ĩme'area, hareka katu sheteiva ameẽjy pyndyrehekui. Apyryhaihuiterãra, marãrapo pee sa'ite shyraihupi?

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

2 Corintios 6:17

Pẽhẽshi haire mbyteivi, hareka pysyryshi; avy pypokohe mbai kyavare hãrã she apyrỹmyvãhẽpokui.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Filipenses 4:1

Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.

Filemon 1:1

She Pablo mbyperesoava Jesucristo rehe hãndi shyryvy Timoteo, marãnduha haihuhava Filemón, mba'apohavape ĩrĩmirũ'ia,

Hebreos 6:9

Shyryvyre ahaihuva, kyrãte ijetahava, kuaaha kavi pee pimepeĩva tape haikavivevape, jaishu ñymondojepeva hapepe.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

1 Juan 5:21

Shyrayre ahaihuva, pysyryshipe tũpa rã'ãngare.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 2:14

Tẽvã ĩme'ẽ pente mbai ajetemba'ẽshea: Ĩme'ẽ pynymbytepe Balaam pyrỹmboiheva potamba hejava, mboi vekua Balac israelitare oa verã mbai porãmbape hareka pota houshu reta mymba jukahava Tũpa rã'anga retape me'ẽãva hareka mykyrẽyshu reta kyrãrãĩ jyre verã.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.