1 Corintios 1:27 - NandevaBiblia

²⁷ Tẽvã Tũpa pyhỹrõ kuaretare heishua rãĩmi mbaimba kuaa vekuamire, mymarãka verã heta mbai kuaavare, hareka pyhỹrõ pyrãtamba vekuamire, mymarãka verã pyrãtavare.

1 Corintios 1:27 ပူးပေါင်းရင်းမြစ်များ

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 21:16

Hãrã hei jyreshu Jesús: Rỹhendura mãrãra heijyre? Haipe Jesús heishu reta: Ahendu rãnga ãĩ. Pimbijeta ãĩteira Tũpa ĩñee heiva? Kyrã hei: Rymbypyrahe opaite sanjaymire hareka kambuteri'iare hekope kavi shemombai verã.

Mateo 9:9

Jesús oho haivirã hesha pente kuimbai Mateo he'iashua, kyrypoti mbatyhasea Roma pevãrã hyvache vapy'õ. Hãrã heishu: “Ei, shimi'ĩrũ”. Mateo pũã hareka oho hãndi.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Hechos 7:35

Ajemaĩ haire japoãshu Moisés heiva, hãrã heishu reta: “Mbavara niñono rĩngareko yryrehe verã hareka mburuvisharã?”, Tũpa mboushu mburuvisharã hareka mbaivape hejareii verã, Tũpa jokueva rupii yvyra õpe ijeshakashurã.

Hechos 7:54

Hãrã kova mbai hendu retarã, poshy jyre hareka hãĩ opa mbi'ipu reta.

1 Corintios 1:20

Mapera'ẽ heta mbai kuaava? Mapera'ẽ ñee mbypara'ia? Mapera'ẽ katu ijetava? Tũpa rãnga mbaimbava rãĩmi japo ãrãndu ko yvy'ĩãrẽ'õre.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 2:12

Me'ẽhãã rãnga ñande espiritu ko yvy'ĩãrẽ'ia, me'ẽã ñande Espiritu Tũpaivi ouva, jaikuaa verã mbai Tũpa ñandyparekorã meẽreii ñandeva.

2 Corintios 10:10

Ĩme'ẽ heiva shy kuatiape pohyite hareka mbaretepeite aijetava, tẽvã sheteiva aijetarã shypya vasuã hareka shiñee mba'erãã.

2 Corintios 4:7

Tẽvã rekoha kova mbai hepyva rãĩmi, pente mbai hyru tujuivi japoa vekuapy, ijyhesha verã mbaikatukue ojaimbava haiva Tũpa ña'ãpova, haimba ore yrã'ãpova.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.