1 Corintios 1:20 - NandevaBiblia

²⁰ Mapera'ẽ heta mbai kuaava? Mapera'ẽ ñee mbypara'ia? Mapera'ẽ katu ijetava? Tũpa rãnga mbaimbava rãĩmi japo ãrãndu ko yvy'ĩãrẽ'õre.

1 Corintios 1:20 ပူးပေါင်းရင်းမြစ်များ

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Romano 1:20

Tũpa opava japovare rupii heshaka katumba heshahaheva, ñymbaikatukue opamba ryheva hareka haiteiva hai Tũpa. Hãme rãnga mba'etyma hei verãre.

Romano 1:22

Ajemaĩ hei ijehe reta ĩñarãnduva, tẽvã ou mbai'ãĩteve kuaajy reta,

1 Corintios 1:19

Kuatia mbyparahava heiva rãĩmi: “Mbaimba kuaava rãĩmipo aheja, opaite hei ijeheva ĩñaranduvare; aheshaka kaviposhu ãrãndukue opaite hei ijeheva mbai kuaavare”.

1 Corintios 1:26

Shyryvyre pynymanduahe marãrape arykai Tũpa pynyrẽnorã, kuaretare heiva rãĩmi, hetamba'ẽ pymbytepe mbaimba'eite kuaava, hetamba'ẽjy peeva haimba huvishava, maĩrã, karai vasure ryhevare.

1 Corintios 1:27

Tẽvã Tũpa pyhỹrõ kuaretare heishua rãĩmi mbaimba kuaa vekuamire, mymarãka verã heta mbai kuaavare, hareka pyhỹrõ pyrãtamba vekuamire, mymarãka verã pyrãtavare.

1 Corintios 1:28

Tũpa pyhỹrõ kuareta heshahatamba vekua hareka mbaimba kuaavekuamire ẽvã ko yvy'ĩãrẽ, he'ise mba'ẽrãmba'i vekuamire, kyrãvape mbijiche verã jyroja'ijehevare.

1 Corintios 11:32

Tẽvã Ñandeja ñanunuparã, hai ñanymboikavive verã hareka potãã kuareta jyrojambare jahea ñandyrehe hãndirã.

1 Corintios 2:6

Tẽvã ñee ãrandu ryheva aporyñoĩhe Tũpa ĩñee kuaa kavimavare, ha'ẽã kuaretare, maĩrã huvishare ñy'ãrãndu, hokava hai oparei verã.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

1 Corintios 3:19

Shara Tũpa pevarã ko yvy'ĩãrẽ'õ ãrãndu mba'erãveãshu hai. Kuatia mbyparahava heiva rãĩmi: Tũpa itypy ĩñarãnduvare, ha'ei ñono vekuapy.

1 Corintios 6:2

Pikuããra Tũpa jyrojahevare mbivachepo'ẽ opaite kuareta ko yvy'ĩãrẽ'õ retarãme? Hãrã ñande ñambivachepokui opaite kuaretarãra, marãrapo pimbivacheã ko ikovare mishĩĩva?

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.