SAN MARCOS 4:35 - Hua̱ xasa̱sti talacca̱xlan quinTla̱tican Jesucristo

³⁵ Yama̱ quilhtamacú̱ acxni̱ aya tzí̱sualh, chuná̱ huaniko̱lh xli̱ma̱kalhtahuáka̱t: —Catacutui̱ caahu c-xa̱quilhtu̱tu ta̱kayahuaná.

SAN MARCOS 4:35 ပူးပေါင်းရင်းမြစ်များ

SAN MATEO 14:22

A̱li̱sta̱lh Jesús huaniko̱lh xli̱ma̱kalhtahuáka̱t pi̱ cataju̱ko̱lh yama̱ c-pu̱tacutnu̱ laqui̱mpi̱ xlacán pu̱lh huá̱ napa̱tacutko̱ya̱chá, chu̱ hasta a̱li̱sta̱lh xlá̱ nalakcha̱nko̱y sa̱mpi̱ a̱cu xuanima̱kó̱ tachixcuhuí̱tat pi̱ caanko̱lhá̱ c-xchiccán.

SAN MATEO 8:18

Acxni̱ Jesús úcxilhli̱ pi̱ luhua lhu̱hua̱ hua̱nti̱ xchima̱kó̱ anta̱ni̱ xuí̱ xlá, huaniko̱lh xli̱ma̱kalhtahuáka̱t pi̱ cataca̱xko̱lh laqui̱mpi̱ napa̱tacutko̱y c-xa̱quilhtu̱tu̱ ta̱kaya̱huaná.

SAN MARCOS 5:21

Acxni̱ Jesús qui̱táspitli̱ c-xa̱quilhtu̱tu, chu̱ tácutli̱ c-pu̱tacutnu, lhu̱hua tuncán tilaktastokpalako̱lh anta̱ni̱ xlá̱ xlaya̱ c-xquilhtu̱n chúchut, chu̱ antá̱ xlá̱ tzúculh li̱xakatli̱palako̱y xtachihui̱n Dios.

SAN MARCOS 6:45

A̱li̱sta̱lh Jesús ma̱lacapali̱ko̱lh xli̱ma̱kalhtahuáka̱t cataju̱ko̱lh c-pu̱tacutnu̱ laqui̱mpi̱ xlacán pu̱lh huá̱ napa̱tacutnanko̱ya̱chá, naanko̱y c-xa̱li̱quilhtu̱tu chúchut, c-aktum ca̱chiquí̱n huanicán Betsaida; huaniko̱lh Jesús pi̱ a̱li̱sta̱lh nalakcha̱nko̱y sa̱mpi̱ a̱cu xma̱quilhanu̱ma̱kó̱, xuanima̱kó̱ yama̱ tachixcuhuí̱tat pi̱ caanko̱lhá̱ c-xchiccán.

SAN MARCOS 8:13

Cha̱nchu̱ makaxtakko̱lh, tita̱taju̱palako̱lh xli̱ma̱kalhtahuáka̱t c-pu̱tacutnu, anko̱lh c-xa̱quilhtu̱tu ta̱kaya̱huaná.

SAN LUCAS 8:22

Tílalh maktum pi̱ Jesús ta̱taju̱ko̱lh xli̱ma̱kalhtahuáka̱t c-aktum pu̱tacutnu, sa̱mpi̱ xlá̱ huaniko̱lh pi̱ xamputún c-xa̱quilhtu̱tu ta̱kaya̱huaná, chu̱ lacapala̱ taca̱xko̱lh, chu̱ anko̱lh.

SAN LUCAS 8:25

Jesús chuná̱ huaniko̱lh xli̱ma̱kalhtahuáka̱t: —¿Ní chú̱ álh mintaca̱najlacán pi̱ huixín huaná̱tit pi̱ xli̱ca̱na̱ quili̱pa̱huaná̱tit? Hua̱mpi̱ cumu xlacán luhua tla̱n xpe̱cuankoni̱t, caj cacs xli̱lacahuanko̱y, chu̱ xacstucán chuná̱ xla̱kalhasquinko̱y: —Pus ¿tú̱ cahuá̱ li̱tlihuaka̱ kalhi̱y yuma̱ chixcú̱ pi̱ ma̱squi hua̱ u̱n, chu̱ ta̱kaya̱huaná lakachixcuhui̱ko̱y acxni̱ xlá̱ ma̱paksi̱ko̱y?

SAN JUAN 6:1

A̱li̱sta̱lh acxni̱ nia̱lh maka̱s quilhtamacu̱ xtzanka̱y la̱ntla̱ nalakchá̱n xpa̱scuajcan judíos xla ta̱kspuntza̱lí̱n, Jesús pa̱tácutli̱ a̱li̱quilhtu̱tu xata̱kaya̱huana Galilea, usuchí̱ na̱ huanicán xata̱kaya̱huana Tiberias, sa̱mpi̱ huí̱ ti̱ chuná̱ xli̱ma̱pa̱cuhui̱ko̱y. Cha̱nchu̱ acxni̱ antá̱ cha̱lh talacaacxtutahui̱ c-aktum ka̱stí̱n, chu̱ antá̱ ta̱tahuilako̱lh xli̱ma̱kalhtahuáka̱t. Hua̱mpi̱ anta̱ni̱ xan Jesús luhua lhu̱hua csta̱laniko̱y sa̱mpi̱ xlakati̱ko̱y xucxilhko̱y lactlanca li̱ca̱cni tatlahu hua̱ntu̱ xlá̱ xli̱ma̱lacahua̱ni̱ko̱y acxni̱ xma̱pacsako̱y ta̱tatlaní̱n.

SAN JUAN 6:17

Hua̱mpi̱ cumu chú̱ aya xtzi̱suani̱ttá, chu̱ Jesús ni̱ naj xa̱qui̱taspita, huata xlacán taju̱ko̱lh c-aktum pu̱tacutnu, chu̱ tzúculh ma̱tla̱huani̱ko̱y laqui̱mpi̱ antá̱ nacha̱nko̱y c-Capernaum hua̱ntu̱ xuí̱ c-xa̱quilhtu̱tu ta̱kaya̱huaná.

SAN JUAN 6:25

Acxni̱ xlacán cha̱nko̱lh c-xa̱lakapu̱tu ta̱kaya̱huaná̱ antá̱ ma̱noklhuko̱lh Jesús, chu̱ chuná̱ kalhasquinko̱lh: —Ma̱kalhtahuaka̱ná, ¿ni̱ li̱huayajá̱ chita̱ u̱nú?